प्रशासन लउहे करिस चेत, दिव्यांग ल मिलीस राशनकार्ड, खुलिस योजना मन के दुवार

मुंगेली, प्रशासनिक संवेदनशीलता अऊ जनकल्याण के प्रति प्रतिबद्धता के मिसाल आज पेश होइस। मुंगेली विकासखण्ड के ग्राम पण्डोतरा रहवइया दिव्यांग सुभाष टण्डन ल अब ओखर बहुप्रतीक्षित राशनकार्ड मिल गे हे। ये कार्ड केवल एक कागद भर न ही, बल्कि वोखर अधिकार मन के पहिचान अऊ आत्मसम्मान के चिनहारी बन गे।
सुभाष ह जनपद पंचायत मुंगेली म राशनकार्ड बर आवेदन करे रहिस, जेन म प्रशासन ह जल्दी कार्रवाई करत ओ ल लउहे कार्ड दीस। पहिली राशनकार्ड नइ होए के सेती ओ ल बहुत अकन योजना मन के लाभ लेहे म कठिनाई होत रहिस, फेर अब ओ ल न केवल सार्वजनिक वितरण प्रणाली के तहत सस्ता अनाज मिलही, बल्कि प्रधानमंत्री उज्ज्वला योजना, प्रधानमंत्री आवास योजना, आयुष्मान भारत अऊ मुख्यमंत्री खाद्यान्न सहायता योजना जइसे कई जनकल्याणकारी योजना मन के लाभ घलोक मिल सकही। अपन खुशी साझा करत सुभाष ह कहिस, ये राशनकार्ड मोर बर केवल एक सुविधा भर न ही, बल्कि मोर गरिमा अऊ अधिकार के स्वीकृति ये। में मुख्यमंत्री श्री विष्णु देव साय अऊ प्रशासन के आभार प्रकट करत हंव, जे मन ह मोर आवाज़ ल गंभीरता ले लीन।