सूरजपुर, 19 जून 2024। मुख्यमंत्री श्री विष्णु देव साय के अगुवई म प्रदेश के दिव्यांगजन के रद्दा अऊ आसान होवत हे। छत्तीसगढ़ सरकार के योजना मन ले दिव्यांगजन के कौशल क्षमता म वृद्धि होए हे अऊ ओ मन आत्मनिर्भर बनत हें। अपन इरादा मजबूत करके हर क्षेत्र म उमन सरलग आगू बढ़त हें। जेन दिव्यांग अपन दिव्यांगता ल कमजोरी ना मानके आगू बढ़े के उदीम करत हें वो मन ल कामयाबी जरूर मिलथे। छत्तीसगढ़ सरकार के योजना मन ले दिव्यांगजन के सपना पूरा होवत हे।
सूरजपुर जिला प्रशासन ह दिव्यांगजन ल आगू बढ़ाए बर सार्थक प्रयास करत हे। इहां के ग्राम पलमा के 10वीं म अध्ययनरत दृष्टि बाधित दिव्यांग श्री बलजीत देवांगन ह मोबाइल बर अउ ग्राम-खरसुरा के श्री इन्दर प्रसाद अऊ ग्राम-जगतपुर नितेश शर्मा जेन कक्षा पहली म अध्ययनरत हे ते मन श्रवण यंत्र बर समाज कल्याण विभाग म आवेदन करे रहिन। कलेक्टर श्री रोहित व्यास ह ऊंखर मांग म वो उपकरण उपलब्ध करा देहे हें। मोबाईल अउ श्रवण यंत्र मिले म खुशी जाहिर करत लइका मन मुख्यमंत्री ल धन्यवाद करे हें।
समाज कल्याण विभाग के अंतर्गत दिव्यांगजन मन बर बहुत अकन कल्याणकारी योजना संचालित करे जात हे। सामाजिक सुरक्षा पेंशन, निराश्रित पेंशन अउ दिव्यांग पेंशन, निःशक्तजन छात्रवृत्ति योजना, राष्ट्रीय वृद्धा पेंशन, श्रवण यंत्र, कृत्रिम उपकरण, दिव्यांग सुखद सहारा योजना, निःशक्तत विवाह प्रोत्साहन योजना आदि योजना मन के लाभ दिव्यांगजन उठावत हें।
निःशक्त विवाह प्रोत्साहन सहायता योजना के तहत दिव्यांगजन ल पूरा जीवनकाल म एक पइत ही देहे जाथे। निःशक्त विवाह प्रोत्साहन योजना के लाभ प्राप्त करे बर 40 प्रतिशत निःशक्तता होना जरूरी हे। दंपत्ति पति/पत्नी म ले कोनो एक निःशक्त हे उही आवेदन कर सकत हे। दुनों निःशक्त होए के स्थिति म संयुक्त रूप ले आवेदन करना होही। विवाह प्रोत्साहन योजना के तहत पति पत्नि म ले कोनो एक दिव्यांग हे त 50 हजार के राशि देहे जाथे अऊ यदि दुनों दिव्यांग हे तो 1 लाख रुपए के सहायता राशि देहे जाथे।
