मुंगेली 14 मई 2020// कलेक्टर डाॅ. सर्वेश्वर नरेंद्र भुरे के मार्गदर्शन म पशुधन विकास विभाग जिला मुंगेली द्वारा पशु में भूजन्य बीमारि जैसे “हीमोरेजिक सेप्टीसीमिया“ , “ब्लैक क्वार्टर“ ;ठफद्ध ले बचाव बर वर्षा पूर्व टीकाकरण कार्य प्रारंभ कर दिये गे हे। जिला म स्थित 07 पशु चिकित्सालय, 26 पशु औषधालय, 10 मुख्य ग्राम खण्ड इकाई अउ मुख्य ग्राम खण्ड म पदस्थ अउ कार्यरत 96 अधिकारि, कर्मचारि, पी. ए. आई डब्लयू, गौ सेवक पशुधन मित्र द्वारा टीकाकरण कार्य करे जावत हे। पशु धन विकास विभाग मुंगेली के उपसंचालक श्री डाॅ. ए. के मरकाम ह बताइन कि जिला म उपलब्ध 23 हजार 728 पशु में एच.एस. अउ 12 हजार 898 पशु में ठफ टीकाकरण करे जहि ।
टीकाकरण कार्य 15 जून तक होही। ओमन बताइन कि हीमोरेजिक सेप्टीसीमिया (गलघोंटु/बघर्रा) गाय भैेस मे होय वाले भूजन्य बीमारि म जे पास्चुरेला मल्टोसिडा नाम के जीवाणु के कारण होथे ह बीमारी म पशु के श्वसन तंत्र प्रभावित होथे तेज बुखार के साथ मुंह ले लार गिरना, गला म दर्द अउ सूजन, जीभ बाहर निकलना, सांस लेय में तकलीफ होय के लक्षण दिखथे अउ मृत्यु घलो हो जाथे। येन बीमारी के फैलाव पशु के लार से होथे, टीकाकरण द्वारा बीमारी ल रोके जा सकत हे। ठफ ब्लैक क्वार्टर (एकटंगी/लंगड़ी) बीमारी घलो जीवाणु क्लास्ट्रीडियम के कारण होथे, ये बीमारी म पशु के जांघ अउ कंधा के मांसल हिस्सा म सूजन हो जाथे। जेखरसे तेज दर्द के कारण पशु चल नई पावय , बीमारी म पशु ल तेज बुखार घलो आथे, येहा एक भूजन्य बीमारी हे। एखर प्रसार मिट्टी म स्थित जीवाणु के स्पोर के माध्यम ले होथे। पशु के कार्य क्षमता प्रभावित होय के साथ साथ मृत्यू भी हो जाथे, टीकाकरण के द्वारा ये बीमारी होने ले रोके जा सकत हे। अधिकारी ह सब्बो पशुपालक ले पशू के ये वर्षा ऋतु म होय वाले बीमारी ले बचाव खातिर अनिवार्य रूप ले टीकाकरण कराय के आग्रह करे हावयं।
मुंगेली ले दिलीप बसंत
