रायगढ़ जिला के किसान मन ल 14 हजार 419 मैट्रिक टन खातू बांटे गीस

जिला के कुल 69 सहकारी समिति मन के माध्यम ले अग्रिम भण्डारण करके बांटे जात हे खातू
16 हजार 500 क्विंटल बीज किसान मन ल बांटे गीस
रायगढ़, मुख्यमंत्री श्री विष्णु देव साय के मंशा मुताबिक राज्य के किसान मन के हितलाभ के खातिर विशेष प्रयास करे जा रत हे। कई ठन कल्याणकारी योजना मन के लाभ किसान मन ल निरधारित समय म उपलब्‍ध कराए जात हे। रायगढ़ जिला अंतर्गत सहकारिता क्षेत्र म किसान मन ल जादा ले जादा खाद अउ बीज प्रदाय करे के संबंध म लगातार शासन अउ प्रशासन कोति ले प्रयास करे जात हे। जिला के कुल 69 सहकारी समिति मन के माध्यम ले खरीफ साल 2025 म खाद के अग्रिम भण्डारण करत खाद वितरण के काम करे जात हे।
रायगढ़ जिला म प्राप्त लक्ष्य के विरूद्ध 18945 टन खाद के भण्डारण समिति मन कोति ले करे जा चुके हे अउ 14419 मैट्रिक टन खाद के वितरण लगभग 20 हजार किसान मन ल करे जा चुके हे। अभी हाल म 5000 मैट्रिक टन खाद समिति मन म शेष हे, संगेच बीज निगम के माध्यम ले प्रमाणित बीज घलोक समिति मन के माध्यम ले किसान मन ल देवाए कराया जा रहा हे। कुल लक्ष्य 29417 क्विंटल के विरूद्ध 25000  क्विंटल  बीज के भण्डारण कराया जा चुके हे अउर 16500 क्विंटल बीज के वितरण किसान मन ल करे जा चुके हे। किसान मन के मांग के मुताबिक खाद के भण्डारण करके किसान मन ल वितरण करे जात हे।
उप संचालक कृषि श्री अनिल वर्मा ह जानकारी देवत बताइस के सरलग दुकान अउ व्यापारी मन के खाद के स्टॉक के जांच करे अउ किसान मन ल शासन से निरधारित दर म खाद विक्रय के संबंध म निरीक्षण करे जात हे। जेखर से खाद के काला बाजारी झन होवय अउ किसान मन ल सही गुणवत्ता के खाद अउ बीज मिल सकय। निरीक्षण के समय खाद के नमूना घलोक लेहे जात हे, अमानक पाए जाय म संबंधित के विरूद्ध अनुशासनात्मक कार्रवाई घलोक करे जाही।