- प्रवासी श्रमिक मन ल ऊंखर स्किल मैपिंग के आधार म रोजगार ले जोड़े बर गठित करे गीस समिति
- 4 हजार 933 श्रमिक के करे गीस स्कील मैपिंग
जगदलपुर, 06 जून 2020। प्रसासन कोति ले क्वारेंटाईन सेंटर म मनखे मन के बुनियादी जरूरत मन ल पुरा करे के संगें-संग सेंटर म रहत महिला मन के स्वास्थ्य ल ध्यान म रखत बस्तर जिला के क्वारेंटाईन सेंटर मन म महिला अउ बाल विकास विभाग कोति ले जिला के सातों परियोजना मन के तहत् अवइया क्वारेंटाईन सेंटर मन म विभाग के मैदानी अमला ह रेडी-टू-ईट के संग अण्डा के घलोक वितरण करत हे ये मां 21 गर्भवती माता, 7 शिशुवती माता, 47 लइका, 86 महिला मन ल सेनिटरी पैड के वितरण करे गीस।
जिला प्रशासन कोति ले जिला म वापस आवत सेंटर मन ल ऊंखर स्किल मैपिंग करके ऊंखर स्किल के आधार म ओ मन ल रोजगार ले जोड़े बर समिति के गठन करे गीस। जिला के सातों विकासखण्ड म संचालित क्वारेंटाईन सेंटर मन म 4 हजार 933 श्रमिक वापस आए हें जिंकर स्कील मैपिंग करे गीस जेमां 2122 मजदूर, 269 इलेक्ट्रीसियन, 133 मेसन, 64 ड्राइवर, 87 हैण्डपम्प मेकेनिक, 47 कारपेंटर, 172 आईल पैकिंग, 593 कृषि काम म दक्ष श्रमिक संग रसोईया, पेंटर, लोहार, सिलाई, वेल्डींग, रिसेप्सनिष्ट काम म स्कील रखथें। ए श्रमिक मन ल ऊंखर स्कील के आधार म रोजगार के अवसर उपलब्ध कराए के उदीम जिला प्रसासन करत हे। कलेक्टर श्री रजत बंसल ह जिला के सबो जनपद सीईओ ल निर्देश देहे हें के ऊंखर जनपद क्षेत्र के क्वारेंटाईन सेंटर म रहत अऊ आए आगन्तुक मन के नियमानुसार जॉब कार्ड बनाए के काम करे जाए। संगेच क्वारेंटाईन सेंटर के परिसर के आस-पास मनरेगा के काम चिन्हाकित करके तुरंत स्वीकृत करवाए के निर्देश देहे हें।
छत्तीसगढ़ शासन कोति ले कोरोना संक्रमण ले बचाव बर प्रवासी श्रमिक मन अऊ मनखे बर जिला अऊ पंचायत स्तर म क्वारेंटाईन सेंटर संचालित करे जात हे। जिहां राज्य शासन के निर्देशानुसार जिला प्रशासन ह ऊंखर ठहरे, भोजन, पेयजल, चिकित्सा, साफ-सफाई आदि व्यवस्था ठउका करे जात हे। ए सेंटर मन म गर्भवती महिला मन, लइका मन अऊ वृद्धजन मन के देखभाल बर ऊंखर स्वास्थ्य जांच बर विशेष व्यवस्था करे गए हे। ए व्यवस्था बर पंचायत मन ल 14वां वित्त आयोग अऊ मुख्यमंत्री सहायता कोष ले जरूरी राशि मुहैया कराए गए हे।