रायपुर, 18 जून 2020। बस के माध्यम ले गोवा ले चलके अपन गृह जिला जशपुर बर निकले 40 मजदूर मन ल आज बस ड्राइवर टाटीबंध बाजार तीर उतार के वापस लहुट गीस। भूखे-प्यासे ये मजदूर मन अपन गृह जिला जशपुर जाय बर बस किराया म लेके निकले रहिन। मजदूर मन के मुताबिक उमन प्रति मनखे 6 हजार रूपिया म बस करे रहिन, फेर बस ड्राइवर टाटीबंध पहुंचे के बाद आगू ले जाय ले इनकार कर दीस अऊ सबो ल उतार के वापस लहुट गीस।
सूचना मिले म कलेक्टर डॉ. एस भारतीदासन के मार्गदर्शन म जिला पंचायत सीईओ डॉ. गौरव कुमार सिंह के निर्देश म जिला प्रशासन के टीम मौका म पहुंचिस अऊ इनर बर भोजन-पानी के व्यवस्था करके बस के माध्यम ले ए मन ल इंकर जिला बर रवाना करिन। ये दौरान एनजीओ द पीपल के वालंटियर्स घलोक मदद बर मौजूद रहिन।