खाद्य विभाग करिस अवैध घरेलू गैस सिलेंडर उपर बड़का कार्रवाई,1619 नग गैस सिलेंडर जब्त

बलौदाबाजार, जिला कलेक्टर  दीपक सोनी के निर्देश म खाद्य विभाग कोति ले जिला म अवैध रूप ले घरेलू गैस सिलेण्डर भण्डारण अउ विक्रय उपर कार्रवाई करे जात हे। इही कड़ी म बिरसपत के दिन खाद्य विभाग के टीम ह कई जगा मन म दबिश देके भरे 41 नग अऊ 1578 खाली घरेलु गैस सिलेंडर जब्त करिस।
जिला खाद्य अधिकारी पुनीत वर्मा ह बताइस के घरेलू गैस सिलेण्डर भण्डारण करके जादा दाम म बेंचे के संबंध म सरलग शिकायत मिलत रहे हे ते पाए के जिला मुख्यालय म जांच अभियान चलाए गीस। एमा हीरा सेल्स (हीरा किचन) ले 02 भरे अऊ 03 नग खाली घरेलू गैस सिलेण्डर, अऊ अवैध रूप ले रखे 19 नग उपभोक्ता गैस कार्ड, 04 नग सबकिप्सन वाउचर अऊ 20 नग प्रेशर गैस रेगुलेटर जब्त करे गीस अऊ बम्लेश्वरी गैस एजेंसी बलौदाबाजार के विरूद्ध उपभोक्ता मन ले गैस सिलेण्डर डिलिवरी अऊ उपलब्धता के संबंध म नियमित शिकायत मिलत रहिस हे। बम्लेश्वरी गैस एजेंसी के जांच म अनियमितता पाये म भरे 39 नग घरेलू गैस सिलेण्डर, 1575 नग खाली घरेलू गैस सिलेण्डर ल जब्त करके द्रवीकृत पेट्रोलियम गैस (प्रदाय अऊ बांटे विनियमन) आदेश 2000 के प्रावधान के तहत कार्यवाही करे गीस।