आर्थिक रूप ले कमजोर यश के होही छात्रावास म भरती

मुंगेली, कलेक्टर ले मिलके यश के आगू के पढ़ाई के चिंता अब दूर हो गए हे। जिला कलेक्टोरेट परिसर मुंगेली म आयोजित जनदर्शन के समय एक अइसन भावुक दृश्य देखे ल मिलीस। लोरमी विकासखंड के ग्राम रजपालपुर निवासी सातवीं कक्षा के छात्र यश कुमार ह कलेक्टर श्री कुन्दन कुमार के आगू पहुंचके करुण स्वर म कहिस ‘सर, मोर माता-पिता मोला छोड़के चले गे हे, मोर स्कूल फीस माफ करवा दव।’ छत्तीसगढ़ पब्लिक स्कूल म अध्ययनरत यश जब सिरिफ चार साल के रहिस, तब ओखर माता-पिता ह ओला छोड़ दी। तब ले ओखर चाचा ओखर देखभाल करत हे, फेर कमजोर आर्थिक स्थिति के सेती यश के पढ़ाई म काफी कठिनाई आवत हे।
कलेक्टर ह यश के पीरा ल न केवल गहराई ले महसूस करिस, बल्कि मानवीय संवेदनशीलता के परिचय देवत तुरंत संबंधित अधिकारी मन ल निर्देश दीन के यश ल निकटवर्ती छात्रावास म प्रवेश देवा के ओखर पढ़ाई के पूरा व्यवस्था सुनिश्चित करे जाय। उमन भावनात्मक स्वर म कहिन के ‘अब ये मोर लइका ये। एखर शिक्षा म कोनो बाधा नइ आना चाही। ये केवल एक प्रशासनिक निर्णय न ही, बल्कि शासन के मानवीयता के जीवंत उदाहरण रहिस, जऊन ह ये सिद्ध कर दीस के जब प्रशासन संवेदना ले जुड़थे, तभे असली बदलाव संभव होथे। कलेक्टर के ए पहल ले यश के आंखी म शिक्षा अऊ आत्मनिर्भरता के सपना फेर से जाग उठे हे। ए अवसर म पुलिस अधीक्षक श्री भोजराम पटेल, अकतहा कलेक्टर श्रीमती निष्ठा पाण्डेय तिवारी, अपर कलेक्टर श्री जी.एल. यादव अउ श्रीमती मेनका प्रधान संग संबंधित अधिकारीगण मौजूद रहिन।