भाठागांव के दु कीटनाशक दवइ बेचइया दुकान मन ल नोटिस

उदुपहा जांच म मिलीस गड़बड़ी
रायपुर, जिला स्तरीय कीटनाशक निरीक्षक मन के टीम ह धरसींवा विकासखण्ड के भाठागांव स्थित मेसर्स वॉयज एग्रो सोल्यूशन प्रा. लिमिटेड अऊ मेसर्स हरिका एग्रीटेक के गोदाम मन के उदुपहा जांच करिस तहां अनियमितता के मामला पकड़ म आइस। ए बात म संबंधित प्रतिष्ठान मन ल उप संचालक कृषि रायपुर कोति ले कारन बाताओ नोटिस जारी करके जवाब मांगे गए हे।
ए दुकान मन के जांच के समय मूल्य सूची, स्टॉक प्रदर्शन, डिस्प्ले बोर्ड, रिकार्ड संधारण अऊ बिलबुक नइ होए के मामला आगू आए रहिस, तेखर सेती दुनों प्रतिष्ठान ल कीटनाशक अधिनियम 1968 अऊ 1971 के अंतर्गत नोटिस जारी करे गीस। किसान मन ल गुणवत्तायुक्त कीटनाशक औषधि के उपलब्धता ठउका करे बर ये दुनों प्रतिष्ठान मन ले कीटनाशक औषधि मन के नमूना घलोक लेहे गीस।