नवा जिला मनेन्द्रगढ़-चिरमिरी-भरतपुर के नाम ले जाने जाही

रायपुर 21 अगस्त 2021। मुख्यमंत्री श्री भूपेश बघेल ह कहे हें के नव घोषित मनेन्द्रगढ़ जिला अब मनेन्द्रगढ़-चिरमिरी-भरतपुर के नाम ले जाने जाही। मुख्यमंत्री निवास म आयोजित कार्यक्रम म सक्ती अऊ मनेन्द्रगढ़ जिला ले आए नागरिक मन ह मुख्यमंत्री श्री बघेल ल नवा जिला बनाए म उंखर आभार व्यक्त करिन। मनेन्द्रगढ़वासी मन ह मुख्यमंत्री के मुकुट पहिरा के अभिनंदन करिन। नागरिक मन ह ये बेरा म ओ मन ल अभिनंदन पत्र घलोक भेंट करिन। कार्यक्रम म दुनों नव घोषित जिला ले आए नागरिक अऊ कई ठन संगठन के प्रतिनिधि मन ह नवा जिला बनाए म विधानसभा अघ्यक्ष डॉ. चरण दास महंत के प्रति घलोक आभार व्यक्त करिन। सक्ती जिला ले आए जनप्रतिनिधि, नागरिक अऊ कई ठन संगठन के प्रतिनिधि मन ह मुख्यमंत्री श्री भूपेश बघेल अऊ डॉ. चरणदास महंत के पोट्रेट भेंट करके अऊ शाल पहिरा के जिला निर्माण बर उंखर अभिनंदन करिन।