मुंगेली, जिला पंचायत अध्यक्ष श्रीमती लेखनी सोनू चंद्राकर ह आज जल जीवन मिशन के तहत मोर गांव मोर पानी के अभियान के अंतर्गत जिला पंचायत के प्रांगण ले प्रचार रथ ल हरीयर झंडी देखाके ग्रामीण क्षेत्र मन बर रवाना करिस। ये प्रचार रथ गांव गांव जाके कई माध्यम ले जल के संरक्षण अऊ संवर्धन बर मनखे मन ल जागरूक करही। ये बेरा म जिला पंचायत के मुख्य कार्यपालन अधिकारी श्री डी. एस. राजपूत, लोक स्वास्थ्य यांत्रिकी विभाग मुंगेली के कार्यपालन अधिकारी श्री संजीव बृजपुरिया, एसडीओ के के सोनी संग बड़ संख्या म जिला पंचायत के अधिकारी-कर्मचारी मौजूद रहिन।
मोर गांव मोर पानी अभियान के तहत प्रचार रथ रवाना
