मोहल्ला क्लास अऊ वर्चुअल कक्षा मन के माघ्यम ले छात्र मन ल पढ़ाए म जुटे हें जिला के शिक्षक
कोण्डागांव, 17 सितंबर 2020। आज कोरोना के सेती सबो शैक्षणिक संस्था, शाला मन बंद चलत हे फेर अइसन विकट हालत म लइका मन के शिक्षा ल घलोक अनदेखा नइ करे जा सकय अऊ इही नौनिहाल मन के भविष्य ल घ्शन रखत कोनो न कोनो रद्दा निकालना अब अब जरूरी बन गए हे। सौभाग्य ले नवा संचार टेक्नोलाजी के बदौलत अब कोनो न कोनो माध्यम ले लइका मन ल शिक्षा ले जोड़े रखे म अब हम समर्थ हो गए हन। ये क्रम म जिला के कई ठन संकुल मन म शिक्षक मन कई प्रकार के शैक्षणिक नवाचार घलोक करत हें। अइसनहे विकासखण्ड फरसगांव के ग्राम लंजोड़ा के कन्या उच्चतर मा. वि. म पदस्थ शिक्षक श्री अचिन्त्य मण्डल ह घलोक लइका मन ल एंड्रायड फोन के माध्यम ले वर्चुअल कक्षा लेके ओ मन ल अंगरेजी विसय म पारंगत करत हे। श्री मण्डल बताथे के कोरोना संक्रमण अऊ लाकडाउन के .चलत पाछू 6 महीना ले शैक्षणिक गतिविधि ठप्प चलत हे त ए परिस्थिति मन म वर्चुअल क्लास अऊ मोहल्ला कक्षा भर एक मात्र विकल्प रह गए हे। सुरू म वो ह ग्राम चैपाल अऊ हाट बाजार शेड म मोहल्ला क्लास लेहे के उदीम करिस फेर गांव मन बढ़त कोरोना संक्रमण के आशंका अऊ छात्र मन के जादा संख्या ल देखत ये व्यवहारिक नइ हो पाइस त अन्ततः वो ल वर्चुअल कक्षा मन के संचालन उपयुक्त प्रतीत होइस। ये क्रम म महिना जुलाई म वो ह कक्षा 6वी ले 8वी के छात्र मन के सोशल मिडिया वाटसएप ग्रुप बनाके, ‘‘सिस्को वेवेक्स‘‘ कड़ी के द्वारा अंग्रजी विसय ल पढ़ाना शुरू करिस। ये सोशल मिडिया ग्रुप म ग्राम लजोड़ा के अलावा ग्राम सिरपुर, जुगानी, जैतपुरी, सोड़मा, हाई स्कूल के छात्र मन ल घलोक कनेक्ट करे गीस।
