यूरिया खाद बांटे म गड़बड़ी, एक सहकारी समिति अउ 7 निजी विक्रेता मन के पंजीयन प्रमाण पत्र निलंबित

जांजगीर-चांपा, 3 सितंबर 2020। कलेक्टर यशवंत कुमार के मार्गनिर्देशन म यूरिया खाद बांटने वाला सहकारी समिति अउ निजी विक्रेता मन के जांच करिन। जांच म गड़बड़ी पाये जाये बर एक सहकारी समिति अउ सात निजी विक्रेता मन के पंजीयन प्रमाण पत्र ल निलंबित कर दे गिस हे। उपसंचालक कृषि एम.आर. तिग्गा ह बतइस कि केन्द्र सरकार ह जिला के टॉप 20 यूरिया विक्रेता के संस्था मन के जांच के निर्देश दिए गे रिहिन। कलेक्टर के निर्देश म जांच बर जांजगीर, पामगढ़ अउ सक्ती के अनुविभागीय अधिकारी कृषि की टीम बनके जांच करिस। एमा सहकारी समिति बिर्रा, बंसल ट्रेडर्स सक्ती, योगेश कुमार अग्रवाल फगुरम, जिन्दल सेल्स बाराद्वार, प्रकाश खाद भण्डार बाराद्वार, दिशा सेल्स चांपा, उदित नारायण विश्वनाथ सुलतानिया शिवरीनारायण अउ आर के ट्रेडर्स अकलतरा के जांच म अनियमितता पाए जाय के सेती कारण बताओ सूचना जारी कर जवाब प्राप्त करे गिन। जांच के दौरान भूमिहीन किसान, कम रकबा वाले किसान अउ निजी स्टाक के नाम बर खाद वितरण के जानकारी पोर्टल म अपडेट करे गए रिहिस। जवाब संतोषप्रद नई होय म उक्त प्रतिष्ठान मन के उर्वरक पंजीयन प्रमाण पत्र ल निलंबित कर दे गिस। ये सबो प्रतिष्ठान म उर्वरक व्यवसाय प्रतिबंधित करे गे हे।