दिव्यांग लईका मन के शिक्षा ब स्पेशल एजुकेटर नियुक्त करे ब होही विचार

मुख्यमंत्री ह युवा मन ले मांगिस सुझाव, सुष्मिता दिवाकर ह राखिस प्रस्ताव
रायपुर, 03 अगस्त 2023
सरकारी स्कूल मन में दिव्यांग लईका मन घलो बड़ संख्या में प्रवेस लेवत हे। एमन के जरूरत ह घलो बिसेस होथे तेकर ब ए लईका मन ल स्पेशल एजुकेटर ह पढ़ाय जाही त लईका मन ब बने उपयोगी होही, दिव्यांग युवा मन के घलो नौकरी ब नवा अवसर मिलही। ए बात एक युवा सुष्मिता दिवाकर ह मुख्यमंत्री श्री भूपेश बघेल करा बिलासपुर म आयोजित संभाग स्तरीय भेंट मुलाकात कार्यक्रम म कहिस। सुष्मिता के बात के मुख्यमंत्री ह सराहना करिस। मुख्यमंत्री ह कहिस कि दिव्यांगजन मन ब घलो अबड़ कन पहल शासन ह करे हे। शासकीय स्कूल म स्पेशल एजुकेटर नियुक्त करे के ए सुझाव बढ़िया हे। एकर उपर विचार करबों। सुष्मिता ह बताइस कि जब हमन ल पता चलिस कि मुख्यमंत्री श्री भूपेश बघेल युवा मन ले गोठ बात करे ब बहतराई स्टेडियम पहुँचही त हमन निश्चय करेन कि हम सब मुख्यमंत्री करा मिलबों। हमन ल आशंका रहिस कि अतका लोगन मन के बीच म हमार बात हो पाही के नहीं। फेर सौभाग्य ले हमन ल अवसर मिल गइस अउ हमन एकर बारे म गोठ करें । सुष्मिता ह बताइस कि प्रदेश म दिव्यांग लईका के संख्या 77 हजार 249 हावय। ईहां प्रशिक्षित बिसेस शिक्षक मन के संख्या 1200 हे। दिव्यांग लईका के आवश्यकता स्पेशल एजुकेटर जादा बढ़िया तरिका ले समझथे। उल्लेखनीय हे कि छत्तीसगढ़ म दिव्यांग लईका मन के चिन्हांकन ब 21 प्रकार के दिव्यांगता चिन्हांकित करे गए हे अउ एकर अनुरूप दिव्यांग छात्र-छात्रा मन के सर्वे करे गय हे।