मुख्यमंत्री श्री विष्णु देव साय दिव्य शिव महापुराण कथा के समापन समारोह म वर्चुअली सामिल

भगवान मधेश्वर के पावन धरा के विकास बर मिलही 10 करोड़ रूपिया, तीर्थ पर्यटन ल मिलही नवा आयाम
श्रीरामलला दर्शन योजना अऊ तीर्थदर्शन योजना ले श्रद्धालु मन ल मिलत रहिस आध्यात्मिक लाभ
जशपुर, मुख्यमंत्री श्री विष्णु देव साय ह पवित्र श्रावण मास के चउथइया सोमवार के शुभ अवसर म रायपुर स्थित मुख्यमंत्री निवास कार्यालय ले जशपुर जिला के कुनकुरी विकासखंड अंतर्गत मयाली म विश्व के सबले बड़े प्राकृतिक शिवलिंग मधेश्वर पहाड़ के तीर आयोजित दिव्य शिव महापुराण कथा के समापन समारोह ल ऑनलाइन माध्यम ले संबोधित करिन।
श्रावण मास के ए सात दिवसीय दिव्य कथा श्रृंखला के आयोजन 28 जुलाई ले 4 अगस्त 2025 तक महामधेश्वर धाम समिति कोति ले करे हे, जेमां अयोध्या के प्रसिद्ध कथावाचक पूज्य श्री देवकीनंदन जी महाराज ह शिव महापुराण के अमृतमयी वाणी ले हजारों श्रद्धालु मन ल मंत्रमुग्ध करिन। मुख्यमंत्री ह व्यासपीठ ले जुड़े सबो संतजन मन ल प्रणाम करत समिति ल भव्य आयोजन बर बधाई अऊ आभार प्रकट करिन।
मुख्यमंत्री श्री साय ह अपन उद्बोधन म कहिन के शिव अऊ शक्ति छत्तीसगढ़ के कण-कण म समाए हे अऊ प्रदेश ल आध्यात्मिक ऊर्जा इही देवस्थल मन ले प्राप्त होथे। उमन बताइन के मधेश्वर महादेव धाम के विकास बर केंद्र सरकार ले ₹10 करोड़ के राशि मिले हे, अऊ राज्य सरकार तीव्र गति ले अधोसंरचना विकास अऊ श्रद्धालु सुविधा मन बर काम करत हे।
मुख्यमंत्री ह प्रदेश म विराजित भगवान शिव के प्रमुख स्थल मन के उल्लेख करत कहिन के मयाली म मधेश्वर पहाड़, कवर्धा म बाबा भोरमदेव, राजिम म कुलेश्वर महादेव, गरियाबंद म भूतेश्वर महादेव अऊ जांजगीर-चांपा के खरौद म लक्ष्मणेश्वर महादेव के रूप म भगवान शिव कई ठन रूप म श्रद्धालु मन ल दर्शन देवत हे। उमन कहिन के ये सम्पूर्ण प्रदेश शिवमय हे।
श्री साय ह बताइन के छत्तीसगढ़ म पाँच प्रमुख शक्तिपीठ मन के विकास बर शक्ति कॉरिडोर योजना चालू करे गए हे। ये मां डोंगरगढ़ के बमलेश्वरी देवी, रतनपुर के महामाया देवी, चंद्रपुर के चंद्रहासिनी माता, दंतेवाड़ा के दंतेश्वरी देवी सामिल हे। उमन कहिन के प्रधानमंत्री श्री नरेंद्र मोदी के मार्गदर्शन म तीर्थ पर्यटन ल नवा दिशा देहे जात हे।
मुख्यमंत्री ह श्री रामलला दर्शन योजना के उल्लेख करत बताइन के अब तक 22 हजार ले जादा श्रद्धालु अयोध्या धाम म प्रभु श्रीराम के दर्शन के लाभ प्राप्त कर डरे हें। उमन कहिन कि ये योजना श्रद्धालु मन ल प्रभु श्रीराम के प्रति श्रद्धा ले जोड़े के सशक्त माध्यम बने हे।
इही कड़ी म फेर से चालू करे गए मुख्यमंत्री तीर्थदर्शन योजना के ज़िक्र करत उमन कहिन के ए योजना के अंतर्गत राज्य के सियान श्रद्धालु मन ल देश के 19 प्रमुख तीर्थ स्थल मन के दर्शन कराए जात हे, जेखर से ओ मन ल जीवन म आध्यात्मिक संतोष अऊ आस्था के अनुभव होवत हे।
समापन अवसर म मुख्यमंत्री ह प्रदेश के सुख, समृद्धि अऊ खुशहाली के कामना करत प्रार्थना करिन के बाबा भोलेनाथ के कृपा सदैव सबो श्रद्धालु मन म बने रहय। उमन महामधेश्वर धाम समिति ल आयोजन के सफलता बर शुभकामना दीन अऊ कहिन के प्रदेश सरकार श्रद्धा, संस्कृति अऊ विकास के समन्वय ले छत्तीसगढ़ ल नवा धार्मिक अऊ पर्यटन गंतव्य बनाही।