दुर्ग, 30 अप्रैल 2020। दुर्ग के संभागायुक्त श्री जी आर चुरेन्द ह बालोद जिला के जनपद पंचायत गुण्डरदेही म नोवेल कोरोना वायरस ले उपजे चुनौती मन ले निपटे बर प्राथमिक तियारी मन के अवलोकन करिन संगेच उपस्थित जम्मो अधिकारी/ कर्मचारी मन ल शासन के जारी दिशा-निर्देश के पालन करे अउ लाकडाउन के समय शहरी अउ ग्रामीण क्षेत्र मन म प्रभावित परिवार खाद्यान्न अउ पेयजल के पूरा व्यवस्था करे के संग सोशल/फिजिकल डिस्टेंस के पालन करे के संबंध म निर्देश दीन।
संभागायुक्त ह मुख्य सचिव महोदय के निर्देश के मुताबिक वृहद वृक्षारोपण बर कार्ययोजना तियार करे बर वनौषधी, फलदार, छायादार अउ आन प्रकार के नवा पौधा के थरहा तियार करे बर उद्यान विभाग के अकतहा कृषि विभाग, जल संसाधन विभाग, भूमि संरक्षण विभाग अउ ग्राम पंचायत आदि ल लक्ष्य देहे के निर्देश दीन।
उमन जनपद पंचायत अउ नगर पंचायत गुण्डरदेही के उपस्थित अनुविभागीय अधिकारी (रा.) तहसीलदार, नायब तहसीदार, मुख्य कार्यपालन अधिकारी जनपद पंचायत, मुख्य नगर पालिका अधिकारी, अनुविभागीय अधिकारी ग्रामीण यांत्रिकी सेवा, उपयंत्री, तकनीकी सहायक आदि अधिकारी अउ कर्मचारी मन ल टीम भावना के संग विभाग अन्तर्गत सबो महत्वपूर्ण काम समय म करे के निर्देश तको दीन।
