कोरिया, 11 मार्च 2020। कलेक्टर श्री डोमन सिंह के हुकुम के मुताबिक जिला के सबो विकासखण्ड मन म कार्यक्रम आयोजित करके दिव्यांग मन ल कृत्रिम अंग अउ सहायक उपकरण के वितरण अवइया 13 मार्च के करे जाही। ये कृत्रिम अंग अउ सहायक उपकरण वितरण कार्यक्रम म जनप्रतिनिधि मन के माध्यम ले कुल 228 दिव्यांग मन ल 24 लाख 99 हजार 965 रूपिया के राशि के मोटराईज्ड ट्रायसायकल, ट्रायसायकल, व्हीलचेयर, बैशाखी, श्रवण यंत्र, छड़ी अउ स्मार्ट केन देहे जाही। विकासखंड बैकुण्ठपुर म जनपद पंचायत कार्यालय के सभाकक्ष म 63, विकासखंड खडगवां के सामुदायिक भवन म 38, विकासखंड सोनहत के सामुदायिक भवन म 34, विकासखंड भरतपुर के सामुदायिक भवन म 45 अउ विकासखंड मनेन्द्रगढ़ के सामुदायिक भवन म 48 दिव्यांग मन ल उंखर निःशक्तता ल कम करके गतिशीलता बढ़ाए अऊ ओ मन ल शारीरिक अउ मानसिक रूप ले प्रबल करे के उद्देश्य ले कृत्रिम अंग अउ सहायक उपकरण के वितरण करे जाही।
कोरिया म अवइया 13 मार्च के 228 दिव्यांग मन ल करे जाही कृत्रिम अंग अउ सहायक उपकरण के वितरण
