धमतरी जिला के दिव्यांग चित्रकार बसंत के पेंटिंग राष्ट्रपति भवन के बढ़ावत हे शोभा : कलेक्टर ह 90 हजार रूपिया के चेक सौंपिस

धमतरी, कुरूद निवासी दिव्यांग श्री बसंत कुमार साहू के पेंटिंग के प्रदर्शनी पाछू महिना राष्ट्रपति भवन म लगाए गए रहिस। उप संचालक समाज कल्याण ह बताइस कि श्री साहू दिव्यांग होए के बाव घलव उम्दा चित्रकार हे। वोकर एक सुग्‍घर पेंटिंग के प्रदर्शन राजधानी नई दिल्ली स्थित राष्ट्रपति भवन म लगे रहिस, जेकर राष्ट्रपति श्री रामनाथ कोविंद ल घलोक प्रशंसा करे रहिन। उप संचालक समाज कल्याण के बताती पेंटिंग के प्रदर्शन ल देखत संचालनालय समाज कल्याण कोति ले प्रोत्साहन के तौर म दिव्यांग चित्रकार श्री साहू ल 90 हजार रूपिया के राशि स्वीकृत करे गीस। कलेक्टर श्री रजत बंसल ह काली ये रकम के चेक उप संचालक समाज कल्याण ल श्री साहू ल देहे बर दीन। कलेक्टर ह पेंटर श्री साहू ल अपन शुभकामना अउ बधाइयां तको पठोए हें।