रायपुर, मुख्यमंत्री श्री भूपेश बघेल ह आज अपन निवास कार्यालय म छत्तीसगढ़ के दिव्यांग पर्वतारोही अउ पैरा एथलेटिक्स चित्रसेन साहू ल मुख्यमंत्री सहायता कोष ले 12 लाख 60 हजार रुपिया के सहायता राशि के चेक प्रदान करिस। मुख्यमंत्री ह राजधानी रायपुर म 14 दिसंबर के आयोजित रन फॉर सीजी प्राइड मैराथन के अवसर म पर्वतारोही, पैरा एथलेटिक्स, राष्ट्रीय बास्केटबॉल खिलाड़ी अउ ब्लेडरनर चित्रसेन साहू ल आर्थिक सहायता प्रदान करे के घोषणा करे रहिन।
साहू ह छत्तीसगढ़ म नवा सरकार के 3 साल पूरा होए के उपलक्ष्य म आयोजित ‘रन फॉर सीजी प्राइड’ (दौड़ स्वाभिमान अऊ गर्व की) म भाग लेहे रहिस। चित्रसेन साहू ह मुख्यमंत्री श्री बघेल ल सहयोग बर आभार जतात कहिस के अब पर्वतचोटी माउंट अकोंकागुआ के कठिन चढ़ाई करके छत्तीसगढ़ महतारी के नाम गौरवान्वित करे के पूरा प्रयास करहूं।
मुख्यमंत्री श्री बघेल ह दिव्यांग पर्वतारोही चित्रसेन साहू ल 12 लाख 60 हजार रूपिया के राशि के चेक दीस
