रायपुर, मुख्यमंत्री श्री भूपेश बघेल ले आज ऊंखर निवास कार्यालय म बेमेतरा जिला के दिव्यांग काष्ठ शिल्पकार दिलहरण सिन्हा अऊ वोखर धर्मपत्नी श्रीमती कलिन्द्री सिन्हा ह सौजन्य मुलाकात करिस। ये बेरा म उमन मुख्यमंत्री ल काष्ठ म हाथ ले उकेर के बनाए गए छत्तीसगढ़ के राजगीत के कलाकृति भेंट करिन। ये मां राजगीत के रचयिता डॉ. नरेन्द्र देव वर्मा के हस्ताक्षर ल घलोक उकेरे गए हे। मुख्यमंत्री श्री बघेल ह ऊंखर कला-कौशल के सराहना करत काष्ठ शिल्प के काम ल आगू बढ़ाए बर अपन स्वेच्छानुदान मद ले एक लाख रूपिया के राशि स्वीकृत करिन।
कष्ठ शिल्प कलाकार सिन्हा ह मुख्यमंत्री ल बताइस कि ओ ह दिव्यांग हे अऊ काष्ठ शिल्प ही वोखर आजीविका के एकमात्र साधन हे। वो ह बताइस कि वो ह भारत के राष्ट्रगीत, राष्ट्रगान अऊ संविधान के प्रतावना घलोक लकड़ी म उकेरे हे। सिन्हा ह बताइस कि वोखर धर्मपत्नी श्रीमती कलिन्द्री ह ओ ल शिल्प निर्माण म सहायता करथे। उमन मुख्यमंत्री के समक्ष शासन के सहयोग ले अपन ये कला के प्रसार बर युवा पीढ़ी अऊ आन दिव्यांगजन मन ल प्रशिक्षण देहे के घलोक इच्छा जताये हें, जेखर से ओ मन ल घलोक काष्ठ शिल्प ले जुड़के अपन बर रोजगार के साधन जुटाए म सहायता मिल सकय अऊ ओ मन आर्थिक रूप ले सशक्त बन सकयं।
मुख्यमंत्री ल दिव्यांग शिल्पकार ह लकड़ी म उकेरे छत्तीसगढ़ के राजगीत के कलाकृति करिस भेंट
