दिव्यांग मन के सपना ल मिलीस नवा उड़ान: उपमुख्यमंत्री श्री विजय शर्मा के उदीम ले मोटर चलित स्कूटी पाके दिव्यांगजन होइन खुश

रायपुर, 14 मार्च 2024। जब इरादा मजबूत हे त शारीरिक अक्षमता ल घलोक हार मानना परथे। आज अइसन मनखे घलोक हे जेन अपन दिव्यांगता ल कमजोरी नइ मानय, जिंदगी म आगू बढ़ के कुछ करे के कोसिस करथें। मुख्यमंत्री श्री विष्णुदेव के अगुवई म छत्तीसगढ़ सरकार के योजना मन घलोक दिव्यांगजन मन के सपना के उड़ान म मददगार साबित होवत हे। उपमुख्यमंत्री श्री विजय शर्मा ह कबीरधाम जिला के आठ दिव्यांगजन मन ल विधायक निधि ले पेट्रोल चलित ट्रायसायकल देके उंखर जिन्दगी म फेर खुशियां लहुटा देहे हें।