आर्थिक मदद ले आत्मनिर्भर बने के रद्दा होवत हे आसान
बलौदाबाजार, समाज कल्याण विभाग कोति ले संचालित दिव्यांगजन विवाह प्रोत्साहन योजना ले दिव्यांगजन मन ल आर्थिक मदद मुहैया कराए जात हे। आर्थिक मदद मिले ले दिव्यांगजन मन ल अपन पांव म खड़े होके आत्मनिर्भर बने म अड़बड़ मदद मिलत हे। जिला के कसडोल विकासखण्ड के अंतर्गत ग्राम बलौदा निवासी 45 वर्षीय राजेश कुमार पटेल अस्थि बाधित दिव्यांग हे। जेन अपन घरे म रहि के कपड़ा सिलाई के काम करत रहिस। पइसा के अभाव म वो अपन काम ल बढ़ा नइ पात रहिस। समाज कल्याण विभाग कोति ले संचालित दिव्यांगजन विवाह प्रोत्साहन योजना अंतर्गत विवाह के बाद नव विवाहित दम्पत्ति राजेश कुमार पटेल अऊ वोखर पत्नी श्रीमती तिरिथ बाई पटेल ल महिना जुलाई 2021 म 50 हजार रूपिया के आर्थिक सहायता मुहैया कराए गीस। फेर राजेश कुमार पटेल ह प्रोत्साहन राशि ले एक सिलाई मशीन खरीद के अपन कपड़ा सिलाई के काम ल बढ़ाना शुरू करिस। धीरे धीरे वो ह कपड़ा सिलाई ल आज व्यवसाय के रूप म बदल दीस। शासन के सहायोग ले राजेश कुमार पटेल ह अपन शौक अऊ हुनर ल अपन व्यवसाय बना लीस। जेन आज ओखर जीविकोपार्जन के मुख्य साधन बन गए हे। एखर से प्रतिमाह करीब 5 ले 6 हजार रूपिया के आर्थिक आमदनी वो ला हो जात हे। वोखर ये काम म वोखर पत्नी तिरिथ बाई के पूरा सहयोग रहिथे। राजेश के बताती शासन कोति ले संचालित दिव्यांगजन विवाह प्रोत्साहन योजना दिव्यांगजन मन ल आर्थिक सशक्तिकरण प्रदान करइया योजना हे। एकर से मिले आर्थिक सहायता ले दिव्यांगजन अपन मूलभूत जरूरत ल पूरा करे के संगें-संग आत्म निर्भरता होए म मदद मिलत हे।
