कोंडागांव, 1 नवम्बर 2020। देवारी के तिहार नजदीक हे, देश भर म एखर तैयारी शुरू हो चुके हे। इही बीच म छत्तीसगढ़ के एक मनखे ह माटी के अइसे दीया बनाय हे जेहा 24 ले 40 घंटा तक लगातार जल सकत हे। सोशल मीडिया म घलो ये दीया काफी चर्चा म हे। लोगन मन फोन करके दीया बनइया शिल्पकार ले एखर डिमांड करत हे। छत्तीसगढ़ म कोंडागांव के रहइया शिल्पकार अशोक चक्रधारी ह 24 ले 40 घंटा तक लगातार जले वाला माटी के दीया बनाय हे। एखर बर ओला नेशनल मेरिट अवार्ड सर्टिफिकेट घलो देहे गेहे। अशोक कई साल ले इही काम करत हे। ओखर कहना हे कि 35 साल पहली एक अइसने ही दीया देखे रिहिस अउ ओला ध्यान म रखत हुए ये दीया बनाय हे।
दीया बनइया ल मिलिस नेशनल अवार्ड सोशल मीडिया म छाइस दीया के तस्वीर
