रायपुर, 26 अगस्त 2020। मंगलवार 25 अगस्त के प्रदेश भर के हजारों डीजे संचालक मन ह राजधानी म सकला के अपन मांग ल लेके रणनीति बनइस हे। कलेक्टर ले मिले के प्रयास असफल रिहिस, लेकिन 28 अगस्त के सप्रेशाला स्कूल ले कलेक्ट्रेड तक रैली निकाल के ज्ञापन सौपे जाही।डीजे संचालक मन के कहना हे कि आज करीबन 6 महीना ले डीजे बैन हे जेकर कारण ले आर्थिक तंगी म जुझत हन।सरकार प्रदेश के सैकड़ों डीजे संचालक मन ल आर्थिक सहायता देवे या साउंड सिस्टम चलाय के अनुमति दे।
आज लगभग सबो व्यापार दुकान संचालित होवत हे लेकिन अभी तक साउंड सिस्टम संचालन के अनुमति नइ दे हे।सैकड़ों संचालक मन के संग उकर कर्मचारी मन के एक मात्र आय के साधन हरे, लेकिन अब हमन सड़क म आगे हन। परिवार ल चलाना मुश्किल होगे हे. स्कूल फीस के नोटिस भेजत हे। बिजली बिल रुके हे। बहुत से समस्या हे सरकार ल अब फैसला लेहे के जरूरत हे।
