कोरबा, 03 फरवरी 24। वाणिज्य अउ उद्योग मंत्री श्री लखनलाल देवांगन ह कहिन हे कि डीएमएफ के राशि गाइडलाइन के मुताबिक खरचा करे जाय। उमन कहिन कि डीएमएफ मद के अंतर्गत जिला म स्कूल, आंगनबाड़ी, स्वास्थ्य सुविधा संग आवश्यकतानुसार अधोसंरचना के पूर्ति के जा सकत हे। ओ मन काली कोरबा म आयोजित जिला खनिज न्यास संस्थान के शासी परिषद ल सम्बोधित करत रहिन, बैठक म उमन डीएमएफ के अंतर्गत होत काम मन के जानकारी लीन अऊ जरूरी दिशा-निर्देश दीन।
वाणिज्य अउ उद्योग मंत्री श्री देवांगन ह कहिन कि कोरबा आदिवासी बाहुल जिला हे अऊ प्रधानमंत्री ह जिला के खनिज ले मिले रायल्टी ले संबंधित जिला के विकास हो सकय एखर बर कड़का अधिकार परिषद ल देहे गए हे। डीएमएफ ले जिला म स्कूल, आंगनबाड़ी, स्वास्थ्य सुविधा संग आवश्यकतानुसार अधोसंरचना के पूर्ति करे जा सकत हे। बैठक म उमन विभाग अऊ जन प्रतिनिधि मन ले मिले विकास काम मन के प्रस्ताव मन उपर चर्चा करिन अऊ कहिन कि जिला के विकास ले संबंधित प्रस्ताव मन ल जल्दी प्रस्तुत करव। विधायक कटघोरा श्री प्रेमचंद पटेल, विधायक रामपुर श्री फूलसिंह राठिया अऊ जिला पंचायत अध्यक्ष श्रीमती शिवकला कंवर ह घलोक परिषद ल सम्बोधित करिन। कलेक्टर श्री अजीत वसंत ह शासी परिषद अन्तर्गत बैठक के विसय म विस्तार ले जानकारी दीन। बैठक म शासी परिषद के सबो सदस्य, अधिकारी पुलिस अधीक्षक जितेंद्र शुक्ला, जिला पंचायत सीईओ संबित मिश्रा, डीएफओ श्री अरविंद पीएम, कुमार निशांत, नगर निगम कोरबा आयुक्त श्रीमती प्रतिष्ठा ममगाई उपस्थित रहिन।
डीएमएफ के राशि के उपयोग जनहित ले जुड़े काम मन म करे जाय: मंत्री श्री लखनलाल देवांगन
