रायपुर, 08 अपरेल 2020। कोरोना के रोकथाम बर लागू लॉक डाउन ह दैनिक रोजी-मजदूरी करके जीवन यापन करइया परिवार, निःशक्तजन, आश्रयहीन मनखे मन के आगू भोजन अऊ राशन के समस्या खड़ा कर देहे हे। अइसन मनखे मन ल भोजन के दिक्कत ढन होवय एखर खातिर मुख्यमंत्री श्री भूपेश बघेल के पहल म रायपुर शहर म ‘डोनेशन ऑन व्हील्स अभियान‘ के शुरूआत करे गए हे। ये अभियान म जरूरतमंद मन के घर तक राशन पहुचाए जात हे। ये काम म समाज सेवी संस्था अऊ सामाजिक संगठन घलोक बढ़-चढ़ के हाथ बटावत हे।
सहयोग के इच्छुक संस्था, व्यवसायिक परिसर अउ कॉलोनी मन के निवासी जिला पंचायत रायपुर के मुख्य कार्यपालन अधिकारी डॉ. गौरव कुमार सिंह के दूरभाष क्रमांक- 9669577888 या रायपुर स्मार्ट सिटी के महाप्रबंधक (जनसपंर्क) श्री आशीष मिश्रा के दूरभाष क्रमांक- 9685792100 म संपर्क करके वाहन के पहुंचे के दिनांक अउ समय के जानकारी पा सकत हें।
