कवर्धा, 31 जनवरी 2020। जिला के लोहारा थाना क्षेत्र के बिरोडा ले गवांए लइका के लाश ल पुलिस ह 36 दिन बाद खोजिस। पुलिस ह ये मामला म तीन संदिग्ध आरोपी ल गिरफ्तार करिस। आप मन ल बता देन कि 9 साल के डोनेश राणा पिछला 36 दिन ले गुम होगे रहिस। वोखर परिवार वाला मन ये लइका के अब्बड़ खोजबीन करिस तभो ले कुछु पता नइ चलिस वोखर बाद येखर सूचना लोहरा थाना ल दिस। जेखर बाद आज पुलिस ह लइका के लाश ल ग्राम टाटावाही के घुरवा ले बरामद करिस।
बताये जावत कि 26 दिसंबर के ही लइका के हत्या कर दे रहिस। फिलहाल ये मामला म अभी ज्यादा जानकारी नइ मिल पाए हे। पुलिस ह बहुत जल्द ये मामला के खुलासा करही।
गुरतुर गोठ बर दिलीप कुमार