देश के पर्यटन नक्शा म महत्वपूर्ण धार्मिक स्थल के रूप म उभरही छत्तीसगढ़ के डोंगरगढ़: श्री भूपेश बघेल

रायपुर, 2 मार्च 2021। मुख्यमंत्री श्री भूपेश बघेल ह कहे हें के छत्तीसगढ़ के प्रसिद्ध तीर्थ स्थल डोंगरगढ़ म पर्यटन सुविधा मन के विकास के स्वीकृत करे गए 43.33 करोड़ रूपिया के लागत म माँ बम्लेश्वरी देवी मंदिर डोंगरगढ़ विकास परियोजना के पूरा होए ले छत्तीसगढ़ के डोंगरगढ़ देश के पर्यटन नक्शा म महत्वपूर्ण धार्मिक स्थल के रूप म उभरही। एखर से जिहां पर्यटन विकास के संभावना मन के नवा दुवार खुलही उहें स्थानीय मनखे मन ल रोजगार के अच्छा अवसर मिलही। मुख्यमंत्री आज इहां विधानसभा परिसर स्थित अपन कार्यालय कक्ष ले डोंगरगढ़ म आयोजित माँ बम्लेश्वरी देवी मंदिर डोंगरगढ़ विकास परियोजना के भूमिपूजन समारोह ल सम्बोधित करत रहिन। कार्यक्रम के अध्यक्षता केन्द्रीय पर्यटन अऊ संस्कृति राज्य मंत्री श्री प्रहलाद सिंह पटेल ह करिन। श्री पटेल घलोक वर्चुअल माध्यम ले समारोह म सामिल होइन। डोंगरगढ़ म आयोजित कार्यक्रम म छत्तीसगढ़ के पर्यटन मंत्री श्री ताम्रध्वज साहू ह भूमिपूजन करिन।

लउछरहा..