गुलाब, जरबेरा, रजनीगंधा ले महकत उपवन के मनोहारी नजारा

– किसान श्री गिरीश देवांगन ल फूल के खेती ले लगभग 10 लाख रूपिया के सालाना होत हे आमदनी
– राजनांदगांव जिला के फूल ह जात हे हैदराबाद, अमरावती, नागपुर, भुनेश्वर शहर
– राष्ट्रीय बागवानी मिशन के अनतरगत पॉली हाऊस निर्माण ब 16 लाख 88 हजार रूपिया अउ संरक्षित खेती ब 14 लाख रूपिया के मिलिस अनुदान
– शेडनेट हाऊस ब मिलिस 7 लाख 10 हजार रूपिया के अनुदान राशि
– सजावट वाला फूल के बजार म बाढ़िस मांग

गुलाब, जरबेरा, रजनीगंधा ले महकत उपवन के मनोहारी नजारा

राजनांदगांव, नेहा राठौर के खबर/ किसिम-किसिम के रंग-बिरंगा सुघ्घर फूल ले गुलजार ब बाग ह डोंगरगढ़ विकासखंड के गांव कोलिहापुरी के प्रगतिशील किसान श्री गिरीश देवांगन के हरे। किसान श्री गिरीश देवांगन ह बताइस के ओला शासन के योजना के तहत राष्ट्रीय बागवानी मिशन अंतर्गत पॉली हाऊस निर्माण ब16 लाख 88 हजार रूपिया के अनुदान मिले हे अउ संरक्षित खेती ब 14 लाख रूपिया के अनुदान मिले हे।ओ ह अपन खेत मन मे शिरडी गुलाब के किस्म ल लगाए हे। अउ पॉली हाऊस म जरबेरा के वेरायटी अंकुर, सिल्वेस्टर, दून, दानाएलन, व्हाइट हाऊस अउ फोब्र्स लगाए हे। राष्ट्रीय बागवानी मिशन के तहत किसान ल शेडनेट हाऊस ब 7 लाख 10 हजार रूपिया के अनुदान राशि मिले हे। जिंहा ल ओ ह ड्रिप अउ मल्चिंग विधि ले गोंदा के पउधा लगाए हे। अपन खेत म बड़ अकन रजनीगंधा के फूल घलो लगाए हे।
किसान श्री गिरीश देवांगन ह बताइस के ओ ह फूल के खेती ले लगभग 10 लाख रूपिया के वार्षिक आमदनी प्राप्त करत हे।
कलेक्टर श्री डोमन सिंह के निर्देशन म जिला म उद्यानिकी विभाग द्वारा शासन के योजना के सफल क्रियान्वयन करे ब सरलग काम करत हे। सहायक संचालक उद्यानिकी श्री राजेश शर्मा ह बताइस के शासन के शेडनेट योजना के अबड़ फायदा। जिला के लगभग 25 किसान अभी तक ए योजना के लाभ के दारे हे।
राष्ट्रीय बागवानी मिशन के अनतरगत संरक्षित खेती ब 50 प्रतिशत अनुदान दिए जाथे। जेकर अनतरगत 710 प्रति वर्ग मीटर म 355 वर्ग मीटर के अनुदान के प्रावधान हे। किसान अधिकतम 4000 वर्गमीटर म शेडनेट लगा सकत हे।