रायपुर 16 फरवरी 2020। कृषि अऊ जलसंसाधन मंत्री श्री रविन्द्र चौबे ह डोंगरगांव के जनसेवा मैदान म तीन दिन के लोक मड़ई अऊ कृषि मेला 2020 के शुभारंभ करिन।
समारोह के मुख्य अतिथि कृषि मंत्री श्री रविन्द्र चौबे ह कहिन कि प्रदेश म श्री भूपेश बघेल के नेतृत्व म सरकार बने के बाद किसान मन म नवा आत्मविश्वास जागे हे। सरकार बनतेच किसान मन के कर्जा माफ, बिजली बिल हाफ, 25 सौ रूपिया प्रति क्विंटल धान के कीमत, धान बोनस के वितरण ले किसान मन के आत्मसम्मान म बढ़ोतरी होए हे अऊ उंखर आत्मविश्वास बाढ़े हे। जऊन दिन मुख्यमंत्री श्री भूपेश के नेतृत्व म सरकार बनिस उही दिन ले किसान मन अऊ जनता ल महसूस होइस कि अब उंखर राज आए हे। श्री चौबे ह कहिन कि किसान मन के सोच के मुताबिक हमर सरकार काम करथे। खेती-किसानी अऊ किसान मन के बेहतरी बर प्रदेश ह नरवा, गरवा, घुरवा अऊ बाड़ी योजना शुरू करे हे। ये योजना किसान मन के तकदीर बदलही।