- सुपोषण अऊ महिला स्वालंबन के एक राह ले मिलत हे दूहरा लाभ
राजनांदगांव, 15 मई 2020। नौनिहाल मन के सुपोषण शासन के प्राथमिकता हे। मुख्यमंत्री श्री भूपेश बघेल के पहल म लइका मन अऊ महिला मन ल पौष्टिक आहार अऊ टेक होम राशन के रूप म रेडी-टू-इट उपलब्ध कराके ओ मन ल कुपोषण मुक्त रखे के उदीम सरलग करे जात हे। सुपोषण के ये रद्दा ले सरकार ह महिला समूह मन ल जोड़के ऊंखर बर स्वालंबन के नवा आधार तियार करे हे।
स्व-सहायता समूह के महिला मन रेडी-टू-ईट बनाके आंगनबाड़ी म सप्लाई के काम सरलग करत हें। एखर से महिला मन अऊ लइका मन म कुपोषण के मुक्ति तो हावतेच हे संगेच महिला मन के समृद्धि के नवा रद्दा तको खुल गए हे। सरकार ह सुपोषण अऊ महिला स्वालंबन के एक रद्दा ले दुहरा लाभ महिला मन अऊ लइका मन ल मिलत हे।
राजनांदगांव जिला के ग्राम खुटेरी विकासखण्ड म घलोक जय माँ दुर्गा स्व सहायता समूह के राजनांदगांव जिला रेडी-टू-ईट निर्माण के काम करत हें। समूह म कुल 14 महिला हें, जेमन हर महिना 35 क्विंटल रेडी-टू-ईट के निर्माण करत जात हें। प्रति किलो 42 रूपिया के दर ले 35 क्विंटल के निर्माण म 1 लाख 47 हजार रूपिया के लागत आथे। सप्लाई के एवज म 50 रूपिया के दर ले 1 लाख 75 हजार रूपिया के भुगतान प्राप्त होथे। ये प्रकार ओ मन ल लागत घटाके हर महिना 28 हजार के शुद्ध आय मिल जाथे। समूह के महिला मन एखर से आत्मनिर्भर अऊ सशक्त बने हें। अपन परिवार के भरण पोषण, लइका मन के शिक्षा अउ आन काम म आर्थिक सहयोग देवत हें। महिला मन महिना म करीब 15 दिन तक रेडी-टू-ईट निर्माण के काम करथे। बांचे समय म उमन खेती, घर के काम या मजदूरी करथें। महिला मन जब ले रेडी टू ईट बनाए के काम ले जुडे हें तब ले ए मन ल अकतहा आय के जरिया मिल गए हे अऊ वो मन अपन परिवार के भरण पोषण आसानी ले करत हें।
