डोंडी दल्लीराझारा मार्ग म 33 केवी लेन म बिना सेफ्टी बेल्ट के होवत हे काम

गुरतुर गोठ डॉट कॉम बर संतोष मेश्राम के रिपोर्टिंग, डोंडी दल्लीराझारा मार्ग म 33 केवी लेन के कोम बिजली विभाग के काम ह चलत हावे, जेमा बिना सेफ्टी बेल्ट लगाए करमचारी मन मेर काम ला करवाए जात हावे। एमा काम करने वाला मन के जान जोखिम म डाल के बिजली विभाग के साहेब मन काम ल करवावत हें। ये काम ठीक बालोद चौक डोंडी लोहारा म चलत हे फेर ये मामला म शासन अव प्रशासन म चुप्पी हवे। आप मन जानतेच हव के 33 के वी के लाइन म खतरा अड़बड़ होथे, काम करत बेरा कोनो मजदूर के दुरघटना हो जाही तेकर कोन जुम्‍मेदारी लेही। ये बारे म मजदूर मन मेर बात करे म उमन कुछु नइ कहिन उहें साहेब मन ले पूछे म उमन बिना जवाब आने जगा दउरा हे कहि के चल दीन।