ई-ईपिक कार्ड जागरूकता बर तहसील परिसर म शिविर के करे गीस आयोजन

सूरजपुर, 12 फरवरी 2021। भारत निर्वाचन आयोग, नई दिल्ली कोति ले पूरा देश म 25 जनवरी 2021 ले 11 वां राष्ट्रीय मतदाता दिवस के अवसर म इलेक्ट्रानिक मतदाता फोटो पहिचान पत्र ई-ईपिक लाच करे हे। फरवरी 2021 तक, विशेष संक्षिप्त पुनरीक्षण कार्यक्रम 01 जनवरी 2021 के मुताबिक जुडे़ नवा मतदाता मन बर ई-ईपिक डाउनलोड के सुविधा देहे गए हे। आम मतदाता मन ल घलोक ई-ईपिक डाउनलोड के सुविधा आयोग कोति ले प्रदान करे जाही। जिला स्थानीय निर्वाचन सूरजपुर कोति ले ई-ईपिक कार्ड के डाउनलोड़ बर जागरूकता शिविर आयोजन के तहसील कार्यालय सूरजपुर म करे गीस, जेमां नवा मतदाता मन अऊ आम मतदाता मन ल जागरूक करत ई-ईपिक कार्ड ल डाउनलोड़ करे के जानकारी देहे गीस। शिविर म उमेष सिंह आयाम, सुजीमोन पणिकर, प्रमोद तिर्की, श्री महेन्द्र शांडिल्य, महेष खेस्स अऊ आन कर्मचारी उपस्थित रहिन।
जिला उपनिर्वाचन अधिकरी श्री वहीदुर्ररहमान ह बताइस कि ई-ईपिक एक पोर्टल डाक्युमेंट फारमेट संस्करण हे, जऊन ल प्रमाणिक अऊ सुरक्षित क्युआर कोड रीडर एप्लीकेशन के उपयोग करके सत्यापित करे जा सकत हे। एला मोबाईल म या कम्प्यूटर म सेल्फ प्रिंटेबल फार्म म डाउनलोड करे जा सकत हे, प्रिन्ट अऊ लेमिनेशन करे जा सकत हे अऊ एला मोबाईल, मेल अथवा डिजिटल प्लेटफार्म जइसे-डिजीलाकर म सुरक्षित रखे जा सकत हे।
ई-ईपिक कार्ड ल डाउनलोड करे बर प्ले स्टोर ले वोटर हेल्पलाईन एप डाउनलोड करव या https://voterportal.eci.gov.in या https://nvsp.in विजिट करव। एखर बाद Register/login म किलिक करके ई-ईपिक डाउनलोड के प्रक्रिया करे जा सकत हे। एमा वोटर आईडी नंबर या ईपिक नंबर या रिफ्रेन्स नंबर डाले ले रजिस्टर्ड नंबर म ओटीपी आही जेखर से मोबाईल वेरिफिकेशन करके ई-ईपिक डाउनलोड करे जा सकही।