बने पढ़ई करव अऊ डॉक्टर बनके समाज के सेवा करव – श्री भूपेश बघेल

रायपुर, मुख्यमंत्री श्री भूपेश बघेल ह मेडिकल कॉलेज के छात्र श्री आलोक सिंह ले कहिन कि बने पढ़ई कर अऊ डॉक्टर बनके समाज के सेवा कर। श्री आलोक ह मुख्यमंत्री ले आज विधानसभा म मुलाकात करिस। श्री आलोक सिंह गोधन न्याय योजना के हितग्राही मनेन्द्रगढ़-चिरमिरी-भरतपुर जिला के निवासी श्री संतोष सिंह के सुपुत्र ये। मुख्यमंत्री ह श्री आलोक ल मेडिकल कॉलेज के पढ़ाई बर एक लाख रूपिया के सहायता राशि देहे के तुरंते स्वीकृति दीन। श्री बघेल ह श्री आलोक ल उज्जवल भविष्य के शुभकामना दीन। ये बेरा म विधायक श्री विनय जायसवाल उपस्थित रहिन।
श्री संतोष पशुपालक ये। वो ह गोधन न्याय योजना के तहत गोबर बेचके 3 लाख 25 हजार सकेले रहिस, जेखर से अपन बेटा आलोक ल राजस्थान के कोटा म नीट परीक्षा के कोचिंग कराए रहिस। उहां ले उपयुक्त मार्गदर्शन के बाद वोखर सुपुत्र ह मेडिकल कॉलेज प्रवेश परीक्षा ’नीट’ पास कर लीस अऊ ओ ह आज कांकेर के मेडिकल कॉलेज म एमबीबीएस के पढ़ाई करत हे।