मुख्यमंत्री सामिल होइन हेल्थ कान्क्लेव म
रायपुर, मुख्यमंत्री श्री भूपेश बघेल ह कहिन हे कि देश म गंभीर रोग मन के इलाज बर सबले जादा धनराशि छत्तीसगढ़ सरकार देवत हे। राज्य के मनखे मन ल कई ठन अस्पताल मन म इलाज सुविधा देवाए बर डॉ. खूबचंद बघेल स्वास्थ्य सहायता योजना शुरू करे गए हे। छत्तीसगढ़ के स्वप्नदृष्टा डॉ. खूबचंद बघेल के नाम म शुरू करे गए ये योजना म 56 लाख परिवार मन ल 5 लाख रूपिया के इलाज के सुविधा मिलही। मुख्यमंत्री ह काल समाचार चैनल जी-छत्तीसगढ़-मध्यप्रदेश कोति ले आयोजित हेल्थ कानक्लेव म कहिन कि आज-कल लीवर, किडनी ट्रांसप्लांट अऊ कैंसर जइसे कई गम्भीर बिमारी मन के इलाज बर जादा धन राशि के जरूरत परथे एला ध्यान म रखत मुख्यमंत्री विेशेष स्वास्थ्य सहायता योजना शुरू करे गए हे। ये योजना म 5 लाख ले 20 लाख रूपिया तक के इलाज के सुविधा दिए जाही। छत्तीसगढ़ देश के पहिली राज्य हे जिहां 20 लाख रूपिया तक के इलाज के सुविधा दिए जात हे। ये बेरा म उमन चिकित्सा जगत म उल्लेखनीय योगदान देवइया मनखे मन अऊ चिकित्सक मन ल सम्मानित घलोक करिन।
