उत्तर बस्तर कांकेर, कलेक्टर डॉ. प्रियंका शुक्ला ह महिला अऊ बाल विकास विभाग के अधिकारी मन के जिला कार्यालय के सभाकक्ष म बैठक लेके शासन कोति ले संचालित कई ठन योजना मन के परखर समीक्षा करिन। उमन कहिन कि मुख्यमंत्री सुपोषण अभियान के हितग्राही मन ल पूरक पोषण आहार समय म देवव ताकि संचालित योजना मन ले उमन ल लाभान्वित करे जा सकय। उमन वजन त्यौहार, नोनी सुरक्षा योजना, प्रधानमंत्री मातृत्व वंदना, कौशिल्या मातृत्व योजना, छत्तीसगढ़ महिला कोश अऊ सुकन्या समृद्धि योजना के समीक्षा करके उपस्थित अधिकारी मन ल जरूरी दिशा निर्देश दीन। उमन कहिन कि आंगनबाड़ी केन्द्र के हितग्राही मन ल मुख्यमंत्री सुपोषण योजना ले लाभान्वित करव ताकि कुपोशण के दर म कमी लाए जा सकय।
कलेक्टर डॉ. प्रियंका शुक्ला ह भवन विहीन अऊ जर्जर आंगनबाड़ी भवन मन के जानकारी लेत कहिन कि अइसन भवन के प्रस्ताव बनाके जल्दी प्रस्तुत करव, जेन ल शासन ल स्वीकृति बर भेजे जा सकय। उमन उपस्थित परियोजना अधिकारी मन ले वजन त्यौहार के समीक्षा करत वजन मशीन के जानकारी घलोक लीन। छत्तीसगढ़ महिला कोश के तहत सक्षम योजना के माध्यम ले विधवा अऊ परित्यक्ता महिला मन ल समूह के माध्यम ले ऋण प्रदान करके ओ मन ल आत्मनिर्भर बनाए के प्रयास करे जात हे। जिला म बेहतरीन काम करइया महिला समूह के सफलता के कहानी जिला पंचायत के मुख्य कार्यपालन अधिकारी ल उपलब्ध कराए बर परियोजना अधिकारी मन ल निर्देशित करे गीस। नोनी सुरक्षा योजना ले पात्र हितग्राही मन ल लाभान्वित करे बर लइका मन के शत प्रतिशत चिन्हांकित करके पंजीयन करना सुनिश्चित करे ल तको कहे गीस ताकि बालिका मन ल 18 बछर के उमर पूरा होए अऊ 12वीं कक्षा पास होए म ये योजना ले लाभान्वित करे जा सकय।
बैठक म जिला पंचायत के मुख्य कार्यपालन अधिकारी सुमीत अग्रवाल, जिला महिला अऊ बाल विकास अधिकारी सीएस मिश्रा, परियोजना अधिकारी त्रिभुवन ध्रुव, शकुंतला कोमरे, निर्मला ध्रुव, प्रभारी परियोजना अधिकारी अनिता वारदे, आर. वट्टी, सीता कुरैशी, प्रमिला बघेल, देवकुमारी परिहार, परियोजना अधिकारी जिला पंचायत अनिल गोटा, जिला समन्वयक प्रवीण कुमार साहू, जिला सहायक संजय शर्मा संग विभागीय अधिकारी उपस्थित रहिन।
बार-बार आती है मुझको मधुर याद बचपन तेरी
गया ले गया तू जीवन की सबसे मस्त ख़ुशी मेरी😊~ #सुभद्राकुमारीचौहान @KankerDistrict के कोयलीबेड़ा की ग्रा.पं छोटे कापसी की #आंगनवाड़ी में पढ़ रहे नन्हे से मास्टर सृजन मंडल! #TheJoysOfTouring pic.twitter.com/foijxGiFm5
— Priyanka Shukla (@PriyankaJShukla) July 20, 2022
