मिशन संचालक ह लिन कोविड-19 अस्पताल के तैयारी के जायजा
मुंगेली 02 जून 2020// राष्ट्रीय स्वास्थ्य मिशन रायपुर के मिशन संचालक डाॅ. प्रियंका शुक्ला के नेतृत्व म पहुॅचे विशेषज्ञ चिकित्सक के टीम ह आज जिला स्तरीय कोविड-19 अस्पताल केे निरीक्षण किन । कलेक्टर श्री पी.एस. एल्मा सहित स्थानीय चिकित्स मन कोविड-19 अस्पताल के अवलोकन कराके कोविड-19 ले अब तक के तैयारि से अवगत कराइन। ओमन कहीन कि कोरोना वायरस के संक्रमण ल नियंत्रित करे के कार्य आज के समय मे सर्वाधिक प्राथमिकता अउ महत्वपूर्ण कार्य हेे जेमे संबंधित सब अधिकारी-कर्मचारि के महत्वपूर्ण भूमिका हे। ओमन कोरोना संक्रमण ल रोके सकरात्मक कार्यवाही करे साफ-सफाई ,बायो मेडिकल वेस्ट के सुरक्षित निपटान के आवश्यक निर्देश दिन ।
मिशन संचालक डाॅ. शुक्ला ह लगभग घंटा भर तक कोविड-19 अस्पताल मे करे तैयारि के सुक्ष्म अवलोकन करीन । भवन मे बनाय गय आईसोलेशन वार्ड, लैब, डाॅक्टर्स , नर्सेस कक्ष कोविड-19 गहन चिकित्सा इकाई , पोषण पुनर्वास केन्द्र , सहित अंतःरोगी कक्ष ,बाह्य रोगी कक्ष , शिशु रोग विभाग, महिला एवं पुरूष वार्ड के निरीक्षण करीन कोविड-19 अस्पताल मे प्रवेश अउ निकास बर अलग-अलग मार्ग केे जायजा लिन। कोविड-19 रैपिड टेस्ट कीट, एन-95 मास्क पी.पी.ई.कीट आदि के उपलब्धता के संबंध मे भी जानकारी प्राप्त करिन । मिशन संचालक डाॅ. शुक्ला ह जिला चिकित्सालय ल भी अवलोकन करिन ओ.पी.डी., भर्ती मरीज के संख्या भोजन, दवाई , आदि के बारे मे भी जानकारी लीन। निरीक्षण के दौरान जिला पंचायत के मुख्य कार्य पालन अधिकारी श्रीमति नुपूर राशि पन्ना , मुख्य चिकित्सा एवं स्वास्थ्य अधिकारी श्री महादेव तेंदवे, सिविल सर्जन सह मुख्य अस्पताल अधीक्षक डाॅ. भू-आर्य, राष्ट्रीय स्वास्थ्य मिशन के जिला कार्यक्रम प्रबंधक श्री उत्कर्ष तिवारी सहित कई विभाग के चिकित्सकगण उपस्थित रहिंन।