मुंगेली, 19 फरवरी 2020। कलेक्टर मुंगेली डॉ सर्वेश्वर नरेंद्र भुरे ह जिला म कई ठन बढ़िया काम करत हावे। इही क्रम म स्कूल म पढ़इया जिला मुगेली के दिव्यांग नोनी बाबु-बर स्कूल आय जाये क़ परेशानी ल खतम करके ओमन के सहूलियत बर सहायक उपकरण बांटे गिस।
उमन ल राजिव गांधी शिक्षा मिशन के अंतर्गत दिव्यांग नोनी -बाबु ल सहायक उपकरण बांटे गीस।
दिव्यांगजन ल सहायक उपकरण के वितरण 17 फरवरी 2020 के डाॅं. सर्वेश्वर नरेंद्र भुरे के द्वारा जिला के स्कूल म पढ़इया दिव्यांग नोनी बाबु मन ल आगे बढाये बर सार्थक प्रयास करे जात् हवे।कलेक्टर डाॅं. भुरे के निर्देश 17 फरवरी के अपर कलेक्टर श्री राजेश नशीने जी कलेक्टर परिसर म राजीव गांधी शिक्षा मिशन (समग्र शिक्षा अभियान) के अन्तर्गत स्कूल पढ़इया 46 दिव्यांग नोनी बाबु ल सहायक उपकरण प्रदान करे गिस अउ ओखर उत्साह वर्धन करे गिस।सहायक उपकरण पाके लइका मन गदगद हो गिन।
जेमा 06 दिव्यांगजन ल व्हील चेयर 16 दिव्यांगजन ल ट्रायसायकल अउ 02 दिव्यागजन ल बैसाखी मिलिस हावे। कार्यक्रम म समाज कल्याण विभाग के उप संचालक श्रीमति शारदा जायसवाल, राजीवगांधी शिक्षा मिशन के जिला मिशन समन्वय श्री वाचसपति सिंह, साहित दिव्यांग लइकामन के पालक अउ अभिभावक उपस्थित रहिंन।
मुंगेली ले गुरतुर गोठ समाचार बर दिलीप बसंत