डॉ. शिव डहरिया राटाकाट म पुन्नी मेला म होइन सामिल

रायपुर, नगरीय प्रशासन अऊ श्रम मंत्री डॉ. शिवकुमार डहरिया मंगलवार के दिन संझा आरंग विकासखंड के ग्राम पंचायत राटाकाट म आयोजित पुन्नी मेला म सामिल होइन। डहरिया ह कहिन के पुन्नी मेला जइसे आयोजन छत्तीसगढ़ी संस्कृति अऊ परंपरा ल सहेजे के काम करथे। ए तीज तिहार के माध्यम ले छत्तीसगढ़ वासी छत्तीसगढ़ के सांस्कृतिक धरोहर ल संरक्षित अऊ संवर्धित करे के काम करत हें डॉ. डहरिया ह आयोजित कार्यक्रम ल संबोधित करत कहिन कि मुख्यमंत्री श्री भूपेश बघेल छत्तीसगढ़ के संस्कृति अऊ परंपरा के मुताबिक ही मनखे मन के भावना ल समझत हरेली त्यौहार, तीजा पोला तिहार, गौठान दिवस जइसे तिहार के बड़का रूप म आयोजन करत हे, ओही नरवा ,गरवा, गुरुवा, बाड़ी योजना के माध्यम ले छत्तीसगढ़ के संस्कृति ल सहेजे के काम करत हें। उमन ये बेरा म राटाकाट म पचरी निर्माण, से.से.रोड, नाली, पचरी, रंगमंच, ज्योति कक्ष, मुक्ति धाम अउ मुक्ति धाम अहाता, सामुदायिक भवन, ग्राम पंचायत भवन जीणोद्धार, प्राथमिक शाला अऊ पूर्व माध्यमिक शाला म अहाता निर्माण अऊ अकतहा कक्ष के लोकार्पण करिन। उमन ये बेरा म सामुदायिक भवन तीन रंगमंच निर्माण के घलोक घोषणा करिन।
ये मौका म जनपद पंचायत अध्यक्ष श्री दिनेश ठाकुर सरपंच श्रीमती दीपा निषाद श्री अलख चतुर्वेदानी संग श्री मंगल मूर्ति अग्रवाल फतेह लाल साहू , रेखराम पात्रे, गौरव चंद्राकर, वतन चंद्राकर ,प्रहलाद निषाद ,सतीश चंद्राकर, पोषण, पुनित निषाद संग बड़ संख्या म आसपास के ग्रामीण उपस्थित रहिन।