मुख्यमंत्री ह जताइ भरोसा – मार्च 2026 तक नक्सलमुक्त भारत के सपना होही साकार

नारायणपुर के अबूझमाड़ म सुरक्षाबल मन के बड़का सफलता
रायपुर, मुख्यमंत्री श्री विष्णु देव साय ह नारायणपुर ज़िला के अबूझमाड़ क्षेत्र म सुरक्षाबल मन कोति ले चलाए गए सफल अभियान के सराहना करत कहिन के ये छत्तीसगढ़ म नक्सलवाद के खात्मा के दिशा म एक निर्णायक उपलब्धि हे।
मुख्यमंत्री श्री साय ह कहिन के अबूझमाड़ क्षेत्र म सुरक्षाबल अऊ नक्सली मन के बीच होए मुठभेड़ म 2 नक्सली न्यूट्रलाइज करे गए हे। दुनों म 40-40 लाख रूपिया के इनाम घोषित रहिस। मुख्यमंत्री ह कहिन के ये सफलता केवल नक्सलवाद के खात्मा के दिशा म एक निर्णायक पड़ाव ही नइ हे, बल्कि छत्तीसगढ़ म शांति, सुरक्षा अऊ विकास के प्रक्रिया ल अऊ गति देही।
मुख्यमंत्री ह ए अभियान म सामिल सुरक्षाकर्मी मन ल बधाई देवत कहिन के उंखर बहादुरी अऊ समर्पण ले ही प्रदेश आज शांति अऊ विकास के रद्दा म तेज़ी ले आगू बढ़त हे।
मुख्यमंत्री ह कहिन कि प्रधानमंत्री श्री नरेंद्र मोदी जी के विज़न अऊ माननीय केंद्रीय गृहमंत्री श्री अमित शाह जी के अगुवई म नक्सलवाद के अंत अब पहिली ले कहूं जादा नजदीक अऊ निश्चित होत देखाइ देवत हे। उमन विश्वास व्यक्त करिन के मार्च 2026 तक नक्सलमुक्त भारत के संकल्प अवश्य साकार होही।