कोण्डागांव, पक्का घर के सपना गंगाबाई ह कभू देखे रहिस अऊ ओ सपना ल पूरा करे खातिर गंगाबाई अऊ ओखर परिवार कड़ा मेहनत घलोक करत रहिस फेर हर पइत ये सपना गरीबी के भिथिया ले टकराके बगर जात रहिस।
गंगाबाई तीर एक एकड़ ज़मीन हे जेन म वो खेती करथे, निश्चित आय के कोनो दूसरा साधन नइ हे। आर्थिक तंगी अइसन के रोज़ के ज़रूरत पूरा करना ही चुनौती रहिस, घर बनाना तो दूर के बात रहिस। बरसात के मौसम म कच्चा घर के छत ले चूहत पानी अऊ चारों कोति फैले नमी वोखर परिवार ल दुख अऊ असुरक्षा म जीए ल मजबूर करत रहिस। फेर गंगा बाई के कठिनाई के दौर प्रधानमंत्री आवास योजना (ग्रामीण) के माध्यम ले बदल गए।
कोण्डागांव के फ़रसगांव ब्लॉक के ग्राम पंचायत जुगानीकलार के रहइया श्रीमती गंगाबाई के सपना एक दिन हकीकत म बदल गे, जब ओला पंचायत सचिव अऊ रोजगार सहायक ह बताइस के वोखर नाव ले घर पास होय हे। जब साल 2024-25 म गंगाबाई के नाव ले घर पास होइ।
ए योजना के तहत गंगाबाई ल तीन किस्त म कुल 1 लाख 20 हजार के राशि प्राप्त होइस। एखर संगेच मनरेगा मजदूरी के राशि घलोक समय-समय म खाता म पहुंचिस, जेखर से ईंट, गिट्टी, सीमेंट जइसे निर्माण सामान जुटाना वोखर बर संभव हो पाइस। कुछेच महीना के मेहनत अऊ इंतज़ार के बाद ओखर सपना साकार हो गे। गंगाबाई अऊ ओखर परिवार अब अपन पक्का घर म सुरक्षित अऊ सम्मानजनक जीवन बितात हे। आज गंगाबाई के घर म मज़बूत छत हे, संगेच गैस कनेक्शन, बिजली, नल-जल योजना, शौचालय अऊ मुख्यमंत्री खाद्यान्न योजना जइसे सुविधा घलोक मिलत हे। गंगाबाई ह प्रधानमंत्री आवास योजना के तहत पक्का घर खातिर प्रधानमंत्री श्री नरेन्द्र मोदी अऊ मुख्यमंत्री श्री विष्णु देव साय ल धन्यवाद देहे हे।
पक्का मकान के सपना होइस साकार : प्रधानमंत्री आवास योजना ह दीस गंगाबाई ल नवा भरोसा
