दंतेवाड़ा म डीआरजी जवान मन ह नक्सली स्मारक ल करिन ध्वस्त, ग्रामीण मन ल धमकी देके बनवात रिहिस स्मारक

दंतेवाड़ा, 20 जुलाई 2020। डीआरजी जवान मन ह आज हिरोली के जंगल म नक्सली स्मारक ध्वस्त कर दिस. इहां ग्रामीण मन उपर दबाव बनाके इनामी नक्सली गुड्डी के स्मारक बनवात रिहिस. जेखर सूचना ग्रामीण मन ह डीआरजी ल दिस. ये सूचना के बाद जवान मन ह मउका म पहुंच के कार्रवाई करिन. दंतेवाड़ा जिला म किरन्दुल थाना क्षेत्र के अंदुरुनी गांव हिरोली के तिर जंगल मन म मलंगीर एरिया कमेटी के नक्सली शहीदी सप्ताह म ग्रामीण मन उपर दबाव बनाके मुठभेड़ म मारे गे नक्सली गुड्डी के स्मारक बनवात रिहिस. जेखर सूचना ग्रामीण मन ले पुलिस ल मिलिस. येति, डीआरजी के जवान मन ह मउका म पहुंच के नक्सली स्मारक ध्वस्त कर दिस. घटना के पुष्टी दंतेवाड़ा एसपी अभिषेक पल्लव ह करिन.