- मुख्य सचिव ले रेल्वे के महाप्रबंधक ह करिस भेंट
- यातायात के दबाव ल कम करे वैकल्पिक सुझाव उपर अमल करे के दीन सहमति
रायपुर, मुख्य सचिव श्री आर.पी. मण्डल ह रायपुर रेल्वे स्टेशन पहुंच मार्ग म यातायात के दबाव ल व्यवस्थित करे बर फाफाडीह एक्सप्रेस-वे सर्विस रोड चौड़ीकरण, स्टेशन रोड गुरूद्धारा ले रेल्वे स्टेशन तक यात्री पैदल पथ-पार मार्ग के निर्माण, बिलासपुर शहर म निर्माणाधीन तिफरा रेल ओव्हरब्रिज म रेल्वे के सुपर स्ट्रेक्चर निर्माण बर जरूरी अनुमति देहे, उसलापुर रेल्वे स्टेशन म यात्री सुविधा मन के विस्तार करे के सुझाव रेल्वे ल दिए हें। आज इहां मंत्रालय महानदी भवन म दक्षिण पूर्व मध्य रेल्वे के महाप्रबंधक श्री गौतम बैनर्जी ह मुख्य सचिव ले मुलाकात करिन अऊ श्री मण्डल कोति ले सुझाए गए काम मन के निर्माण बर सहमती दीन।
ये बेरा म नगरीय प्रशासन अउ विकास विभाग के सचिव श्रीमती मंगई डी. कोति ले प्रस्तुतिकरण के माध्यम ले राजधानी रायपुर अउ न्यायधानी बिलासपुर म रेल्वे प्रशासन के सहयोग ले ए शहर मन के रेल्वे स्टेशन अऊ प्रमुख मार्ग म यातायात ल सुव्यस्थित करे अऊ यात्री मन ल बेहतर सुविधा देहे बर प्रस्तावित परियोजना मन के जानकारी दिए गीस। मुख्य सचिव ह नगरीय प्रशासन विभाग के अधिकारी मन ल निर्देशित करे हें कि जिला प्रशासन अऊ रेल प्रबंधन के संयुक्त बैठक आयोजित करव अऊ निर्माण कार्य मन ल लउहे पूरा करव।