गरियाबंद, जिला के गरियाबंद विकासखण्ड के ग्राम सढ़ौली निवासी द्रोणाचार्य के माली हालत बदले म हालर मिल सहायक रहे हे। ये सब प्रधानमंत्री रोजगार सृजन कार्यक्रम योजनान्तर्गत करजा लेके हालर मिल लगाए ले होय हे। जानबा हे कि द्रोणाचार्य कृषाणु ल प्रधानमंत्री रोजगार सृजन कार्यक्रम के तहत साल 2018-19 म हालर मिल (आटा चक्की) बर रूपिया 02 लाख के ऋण स्वीकृत करे गए रहिस। जेखर से वो ह ग्राम सढ़ौली, जिला गरियाबंद म पूर्णिमा हालर मिल के नाम ले इकाई स्थापित करिस।
द्रोणाचार्य कृषाणु ह बताइस कि मैं 7वीं कक्षा तक के पढ़ाई करे हंव, आगू के पढ़ाई घर के आर्थिक परिस्थिति के सेती नइ कर पाएवं। 7वीं कक्षा के पढ़ाई के बाद मजदूरी काम करे लगेंव, काम के तलाश म लगे रहेंव। एक दिन दैनिक समाचार पत्र म प्रधानमंत्री रोजगार सृजन कार्यक्रम के विज्ञापन देखेंव। मैं ह जिला व्यापार अऊ उद्योग केन्द्र गरियाबंद ले मार्गदर्शन अऊ योजना के बारे म जानकारी लेंव। एखर बाद मैं ह जरूरी कागद मन संग आवेदन प्रस्तुत करेंव। जिला स्तरीय टास्क फोर्स कमेटी म मोर प्रकरण अनुमोदित होए के बाद बैंक ल भेजे गीस। मोर प्रकरण स्वीकृत होए म मोला बैंक ऑफ इंडिया, गरियाबंद ले पहिली किश्त के रूप म राशि 1 लाख 50 हजार रूपिया देहे गीस। जेमां मैं ह जरूरी मशीन/उपकरण क्रय करके अपन खुद के हालर मिल के इकाई चालू कर देंव। जेखर से मोला करीबन 15 हजार रूपिया प्रतिमाह आय होए लगे हे, बैंक के किस्त राशि जमा करत मैं अपन परिवार के पालन पोषण बने सहिन कर पात हंव। प्रधानमंत्री रोजगार सृजन कार्यक्रम योजना ह मोला खुद के उद्यम स्थापित करे म महत्वपूर्ण सहयोग देके मोर सपना साकार कर देहे हे।