रायपुर, 24 अप्रैल 2020। कोरोना वायरस के संक्रमण ले सुरक्षा बर प्रदेश के शाला मन म अवकाश घोषित करे गए हे। ये बेरा म छात्र-छात्रा मन ल मध्यान्ह भोजन बर छत्तीसगढ़ सरकार ह सूखा खाद्यान्न (चावल व दाल) उपलब्ध कराए के निर्णय ले गए हे। राज्य शासन के हुकुम के मुताबिक सबे जिला म लइका मन ल सूखा खाद्यान्न देहे जात हे। अइसनहे बिलासपुर जिला के एक हजार 690 शाला मन के एक लाख 97 हजार 402 छात्र-छात्रा मन ल सूखा खाद्यान्न के वितरण निरधारित मात्रा म करे गए हे। एमां प्राथमिक शाला मन के एक लाख 22 हजार 566 अऊ माध्यमिक शाला मन के 74 हजार 836 छात्र-छात्रा सामिल हे। खाद्यान्न वितरण के समय म सोशल डिस्टेंसिंग के पालन करे जात हे।
जिला शिक्षा अधिकारी ले मिले जानकारी के मुताबिक जिला के बिल्हा विकासखंड के 325 प्राथमिक, 185 माध्यमिक शाला मन के 43 हजार 753 अऊ माध्यमिक शाला मन के 28 हजार 235 छात्र-छात्रा मन ल मध्यान्ह भोजन के चावल-दाल निरधारित मात्रा म बांटे गए हे। अइसनहे कोटा विकासखंड के 320 प्राथमिक शाला मन के 20 हजार 850 अऊ 117 माध्यमिक शाला मन के 12 हजार 190, मस्तूरी के 243 प्राथमिक शाला मन के 32 हजार 973 अऊ 121 माध्यमिक शाला मन के 18 हजार 296 अऊ तखतपुर विकासखंड के 254 प्राथमिक शाला मन के 24 हजार 990 अऊ 118 माध्यमिक शाला मन के 16 हजार 115 छात्र-छात्रा मन के मध्यान्ह भोजन बर सूखा राशन बांटे गए हे।
