मुख्यमंत्री ह नेहरू नगर भिलाई म नवनिर्मित कार्यालय पुलिस उप अधीक्षक यातायात अऊ रेल्वे अंडर ब्रिज के करिन लोकार्पण

दुर्ग, 2 दिसंबर 2020। मुख्यमंत्री श्री भूपेश बघेल ह आज नेहरू नगर भिलाई म नवनिर्मित कार्यालय पुलिस उप अधीक्षक यातायात अऊ रेल्वे अंडरब्रिज के लोकार्पण करिन। मुख्यमंत्री ह नवनिर्मित पुलिस उप अधीक्षक यातायात कार्यालय के अवलोकन करिन। करीबन 33 लाख रूपिया के लागत ले बने ये कार्यालय भवन म डीएसपी ट्रेफिक, एचसीएम एण्ड वायरलेस, रोड सेफ्टि सेल, मीटिंग हाल अऊ स्टोर रूम सुसज्जित रूप ले बनए गए हे। मुख्यमंत्री अऊ जनप्रतिनिधि मन ह कार्यालय परिसर म वृक्षारोपण घलोक करिन।
मुख्यमंत्री ह पूजा अर्चना के संग फीता काटके हावड़ा-मुम्बई रेलमार्ग म नव निर्मित रेल्वे अण्डर ब्रिज के लोकार्पण घलोक करिन। ये ब्रिज के निर्माण लोक निर्माण विभाग कोति ले 9 करोड़ 57 लाख रूपिया के लागत ले करे गए हे। ये अण्डर ब्रिज के बने ले भिलाई नेहरू नगर रेल्वे क्रासिंग म यातायात सुगम होए के संग समय अऊ इंधन के बचत होही।
लोकार्पण के अवसर म गृह मंत्री श्री ताम्रध्वज साहू, कृषि मंत्री श्री रविन्द्र चौबे, राज्य भंडार गृह निगम के अध्यक्ष श्री अरूण वोरा, विधायक श्री विद्यारतन भसीन, भिलाई नगर निगम के महापौर श्री देवेन्द्र यादव, दुर्ग नगर निगम के महापौर श्री धीरज बाकलीवाल, पूर्व विधायक श्री भजन सिंह निरंकारी अऊ प्रतिमा चंद्राकर संग जिला प्रशासन अऊ पुलिस प्रशासन के वरिष्ठ अधिकारी उपस्थित रहिन।