छत्तीसगढ़िया मड़ई के आयोजन संग दू पईडिल सुपोषण बर

नगरी, पाछू  इतवार के दिन छत्तीसगढ़िया मड़ई के आयोजन संग में साइकिल यात्रा, धमतरी के गंगरेल बाँध ले नगरी सिहावा के जंगल गाँव जबर्रा तक ले होइस , जिहां ईको सेंटर बनाए गे हावे, जेकर नाम रिहिस – दू पैडील सु पोषण बर। उप तहसील कुकरेल में छत्तीसगढ़िया मड़ई के आयोजन करे गे रिहिस जिहां छत्तीसगढ़िया खाउ – खजानी, छत्तीसगढ़िया खेती किसानी के जिनीस, छत्तीसगढ़िया खेल – कूद, छत्तीसगढ़िया नाच – गाना होईस जेमे जिला कलेक्टर, जिला पुलिस अधीक्षक, संग में जिला स्तर के बड़े-बड़े अधिकारी- कर्मचारी मन हा बढ़- चढ़ के भाग लीन. दूसरा जिला ले घलो दूरीहा- दूरीहा के आदमी मन हा कार्यक्रम में भाग लीन. जम्मो कार्यक्रम हा नगरी – सिहावा के पर्यटन क्षेत्र ला बढ़ावा दे बर करे गे रिहिस.

नगरी ले सीमंत प्रजापति.