मुख्यमंत्री श्री विष्णुदेव साय के पहल म 5500 रूपिया मानक बोरा के दर ले देहे जात हे राशि
रायगढ़, 30 जुलाई 2024। हरियर सोना मने तेंदूपत्ता के संग्रहण ग्रामीण क्षेत्र मन म कृषि के अकतहा आय के स्त्रोत हे। छत्तीसगढ़ म बड़ पैमाना म तेंदूपत्ता के संग्रहण लघु वनोपज के रूप म करे जात हे। 12 लाख ले जादा ग्रामीण ए काम ले सीधा तौर म जुड़े हे। मुख्यमंत्री श्री विष्णुदेव साय के नेतृत्व म छत्तीसगढ़ राज्य के तेन्दूपत्ता संग्राहक मन ल अब 5500 रुपिया प्रति मानक बोरा के दर ले भुगतान करे जात हे। जेखर से संग्राहक मन ल पहिली के 4 हजार प्रति मानक बोरा के तुलना म 15 सौ रुपिया जादा मिलत हे, एखर से संग्राहक मन ल तेंदूपत्ता संग्रहण ले होवइया आय बाढ़े हे।
रायगढ़ जिला म 98 हजार 977 संग्राहक मन ल 68 करोड़ 68 लाख 11 हजार 180 रूपिया के भुगतान करे जा चुके हे। बाढ़े दर के लिहाज ले जिला के संग्राहक मन ल 18.73 करोड़ रूपिया के जादा मुनाफा मिले हे। जिला लघु वनोपज सहकारी यूनियन मर्यादित, रायगढ़ अउ धरमजयगढ़ के प्रबंध संचालक ह बताइस कि रायगढ़ जिला अंतर्गत दू जिला वनोपज सहकारी यूनियन रायगढ़ अउ धरमजयगढ़ म साल 2024 तेन्दूपत्ता सीजन म 112 प्राथमिक वनोपज सहकारी समिति मन के 94 लॉट निरधारित हे।
जिला म संग्रहण बर 747 संग्रहण केन्द्र म संग्रहण काम बर 1 लाख 40 हजार 600 मानक बोरा के लक्ष्य निरधारित करे गए रहिस, जेमां तेन्दूपत्ता संग्रहण लक्ष्य के विरूद्ध 1 लाख 24 हजार 874.760 मानक बोरा संग्रहण करे गीस। ए साल संग्रहण के दर 5500 रूपिया प्रति मानक बोरा (550 रूपिया प्रति सौ गड्डी) निरधारित हे।
गेरवानी समिति फड़ सराईपाली के श्री अमृत लाल अगरिया अउ उंखर पत्नी श्रीमती पुना अगरिया ह बताइस कि सीजन म उमन 3640 तेन्दूपत्ता गड्डी तोड़के ओखर विक्रय करे गए रहिन, जेखर से ओ मन ल 20 हजार 20 रूपिया के लाभ प्राप्त होय हे। उमन मुख्यमंत्री श्री विष्णुदेव साय के प्रति आभार व्यक्त करत कहिन कि ए संवेदनशील निर्णय ले हम संग्राहक मन ल पहिली ले जादा राशि मिलत हे, जऊन हमार बर अकतहा आय के आधार बनत हे।
अइसनहे गेरवानी समिति फड़ गौरमुड़ी के श्री नथीराम अउ उंखर पत्नी सुखमनी ह बताइस कि उमन 3420 तेन्दूपत्ता गड्डी तोड़के ओखर विक्रय करे गए रहिस, जेखर से ओ मन ल 18 हजार 810 रूपिया के लाभ प्राप्त होय रहिस। मिले रूपिया ले उमन बरसात म होवइया परेशानी ल देखत खप्पर वाला घर के छत के मरम्मत कराके वोमें एस्बेस्टस के छत डलवाए हें अऊ डोली खेत म घलोक पइसा खर्च करे हें।
