जशपुरनगर, 16 सितंबर 2024। मुख्यमंत्री श्री विष्णु देव साय के सार्थक प्रयास से गंभीर बीमारी के ईलाज बर लइका मन ल तुरंत सहायता मिलत हे। जिला म एक पइत फेर राष्ट्रीय बाल स्वास्थ्य कार्यक्रम चिरायु के टीम ह जशपुर जिला के 10 साल के बबीता के रायपुर एम्स अस्पताल म सफल ऑपरेशन करवाए हे। बबीता के मां जय कुमारी बाई अऊ पिता झमेश राम ह बताइस के उंखर बेटी के जन्म ले दिल म छेद रहिस। नोनी के माता-पिता ह मुख्यमंत्री बगिया कैम्प कार्यालय म आवेदन दे रहिस। मुख्यमंत्री ह तुरंत बबीता के ईलाज करे के निर्देश दीन। जिला प्रशासन अऊ चिरायु टीम नोनी के घर जाके पालक मन ले सम्पर्क करिन अऊ ईलाज के सुविधा उपलब्ध कराए गीस।
चिरायु टीम के अमित भगत ह बताइस के बचपन ले बबीता ल दिल म छेद रहिस, सांस लेहे अऊ दउड़े भागे म घलोक वोला दिक्कत आत रहिस। सफल इलाज के उदीम बर बबीता के पालक मन ह मुख्यमंत्री ल धन्यवाद देवत कहिन के ऊंखर सार्थक प्रयास ले उंखर नोनी पूरा ठीक हो गए हे । अभी हाल म कक्षा 6 वी म पढ़ाई करत हे। स्कूल आए जाय म घलोक कोनो समस्या नइ आवत हे। अपन नोनी ल हंसत मुस्कुरात देखना अच्छा लगथे।