रायपुर, 23 सितंबर 2020। मुख्यमंत्री श्री भूपेश बघेल ह लोककला ‘नाचा‘ के जनक दाऊ दुलार सिंह मंदराजी ल उंखर पुण्यतिथि 24 सितंबर म नमन करत छत्तीसगढ़ी लोककला अऊ संस्कृति म ऊंखर अमूल्य योगदान ल सुरता करिन। श्री बघेल ह दाऊ मंदराजी के समर्पण भाव ल सुरता करत कहिन के दाऊ मंदराजी ह गांव के लोक कलाकार मन ल संगठित करके ‘नाचा‘ ल एक नवा आयाम तक पहुंचाइन। नाचा-गम्मत ल मनोरंजन ले अकतहा उमन समाजिक बुराइ मन के विरूद्ध प्रचार प्रसार के सशक्त माध्यम बनाइन।
श्री बघेल ह कहिन के दाऊ जी ह ‘नाचा‘ ल जीवंत बनाए रखे, लोक कलाकार मन ल संगठित करे, नाचा के माध्यम ले सामाजिक पुनर्जागरण अऊ जनसामान्य म नाचा कला ल पुनर्स्थापित करे म महती भूमिका निभाईन। अइसन सच्चा साधक अऊ समर्पित व्यक्तित्व कला ल समाज ले जोड़त नवा ऊंचाइ तक लेगिन, उंखर से हमला प्रेरणा लेना चाही।
